«Tsifrlyq Qazaqstan» memlekettik baǵdarlamasy aiasynda el aýmaǵynda tsifrlyq habar taratý jumystary qarqyndy júzege asyp keledi. Atalǵan jobany iske asyrý barysynda 2019 jyldyń 1 shildesinen bastap Almaty, Pavlodar jáne Qostanai oblystarynda analogty habar taratý toqtatylyp, tsifrlyq habar taratý júiesi tolyqtai qosyldy.
Atqarylǵan jumys sheńberinde aimaqtarda 178 radio jáne telearna stantsiiasy salynǵan. Jalpy alǵanda 1775 eldimeken habar taratýdyń jańa sapasyna ótip, múmkindigi arta tústi.
Almaty oblysynyń ózinde 722 eldimekenge tsifrlyq teleradio habarlaryn taratatyn 90 RTS paidalanýǵa berilgen.
Al, Pavlodar oblysynda 356 eldimeken sandyq habar taratý júiesine kóshken. Osy saladaǵy maqsattarǵa qol jetkizý úshin óńirde 29 teleradio stantsiiasy salynyp, qaita jańartylǵan.
Qostanai oblysynda jobany júzege asyrý maqsatynda 59 RTS júiesi salynǵan. Soǵan sákes qazir el aýmaǵyndaǵy tsifrlyq habar taratý júiesi 98%-ǵa artqan. Bul shamamen 628 eldimekendi qamtidy.
Jalpy esep boiynsha, tsifrlyq habar tartý júiesi 4255 eldimekenge ornatylǵan. Búginde bul óńirler joǵary sapadaǵy radiotelearnalardy paidalaný múmkindigine ie bolyp otyr.
Sarapshylardyń pikirinshe, eski analogty jabdyq «tsifrda» jumys isteý múlde jaramsyz. Al «analogtyń» signaldy jóneltý barysynda kóp kedergilerge ushyraidy. Bul – eski habar taratýdyń basty kemshiligi.
Aita ketsek, baǵdarlamaǵa sáikes 2021 jylǵa deiin Qazaqstannyń barlyq aimaǵy tsifrlyq habar taratý júiesine kóshýi tiis. Al 2018 jyly Mańǵystaý, Jambyl, Túrkistan oblystary jáne Shymkent qalasy tsifrlyq habar taratý júiesine kóshken bolatyn. Analogty júie óshirilgenge deiin Shymkent qalasynda 11 telearana, al Túrkistan oblysynda 4 telearna jumys jasaǵan. Tsifrlyq júiege aýysqanan keiin Shymkent jáne Túrkistan oblysynda 27 arnaǵa deiin qoljetimdi boldy.
