«تسيفرلىق قازاقستان» مەملەكەتتٸك باعدارلاماسى اياسىندا ەل اۋماعىندا تسيفرلىق حابار تاراتۋ جۇمىستارى قارقىندى جٷزەگە اسىپ كەلەدٸ. اتالعان جوبانى ٸسكە اسىرۋ بارىسىندا 2019 جىلدىڭ 1 شٸلدەسٸنەن باستاپ الماتى, پاۆلودار جەنە قوستاناي وبلىستارىندا انالوگتى حابار تاراتۋ توقتاتىلىپ, تسيفرلىق حابار تاراتۋ جٷيەسٸ تولىقتاي قوسىلدى.
اتقارىلعان جۇمىس شەڭبەرٸندە ايماقتاردا 178 راديو جەنە تەلەارنا ستانتسيياسى سالىنعان. جالپى العاندا 1775 ەلدٸمەكەن حابار تاراتۋدىڭ جاڭا ساپاسىنا ٶتٸپ, مٷمكٸندٸگٸ ارتا تٷستٸ.
الماتى وبلىسىنىڭ ٶزٸندە 722 ەلدٸمەكەنگە تسيفرلىق تەلەراديو حابارلارىن تاراتاتىن 90 رتس پايدالانۋعا بەرٸلگەن.
ال, پاۆلودار وبلىسىندا 356 ەلدٸمەكەن ساندىق حابار تاراتۋ جٷيەسٸنە كٶشكەن. وسى سالاداعى ماقساتتارعا قول جەتكٸزۋ ٷشٸن ٶڭٸردە 29 تەلەراديو ستانتسيياسى سالىنىپ, قايتا جاڭارتىلعان.
قوستاناي وبلىسىندا جوبانى جٷزەگە اسىرۋ ماقساتىندا 59 رتس جٷيەسٸ سالىنعان. سوعان سەكەس قازٸر ەل اۋماعىنداعى تسيفرلىق حابار تاراتۋ جٷيەسٸ 98%-عا ارتقان. بۇل شامامەن 628 ەلدٸمەكەندٸ قامتيدى.
جالپى ەسەپ بويىنشا, تسيفرلىق حابار تارتۋ جٷيەسٸ 4255 ەلدٸمەكەنگە ورناتىلعان. بٷگٸندە بۇل ٶڭٸرلەر جوعارى ساپاداعى راديوتەلەارنالاردى پايدالانۋ مٷمكٸندٸگٸنە يە بولىپ وتىر.
ساراپشىلاردىڭ پٸكٸرٸنشە, ەسكٸ انالوگتى جابدىق «تسيفردا» جۇمىس ٸستەۋ مٷلدە جارامسىز. ال «انالوگتىڭ» سيگنالدى جٶنەلتۋ بارىسىندا كٶپ كەدەرگٸلەرگە ۇشىرايدى. بۇل – ەسكٸ حابار تاراتۋدىڭ باستى كەمشٸلٸگٸ.
ايتا كەتسەك, باعدارلاماعا سەيكەس 2021 جىلعا دەيٸن قازاقستاننىڭ بارلىق ايماعى تسيفرلىق حابار تاراتۋ جٷيەسٸنە كٶشۋٸ تيٸس. ال 2018 جىلى ماڭعىستاۋ, جامبىل, تٷركٸستان وبلىستارى جەنە شىمكەنت قالاسى تسيفرلىق حابار تاراتۋ جٷيەسٸنە كٶشكەن بولاتىن. انالوگتى جٷيە ٶشٸرٸلگەنگە دەيٸن شىمكەنت قالاسىندا 11 تەلەارانا, ال تٷركٸستان وبلىسىندا 4 تەلەارنا جۇمىس جاساعان. تسيفرلىق جٷيەگە اۋىسقانان كەيٸن شىمكەنت جەنە تٷركٸستان وبلىسىندا 27 ارناعا دەيٸن قولجەتٸمدٸ بولدى.
