Foto: Polisia.kz
Batys Qazaqstan oblysy politsiia departamentiniń esirtki qylmysyna qarsy is-qimyl basqarmasynyń qyzmetkerleri Batys Qazaqstan jáne Atyraý oblystarynyń aýmaǵynda bailanyssyz jasyrý ádisimen marihýana jáne gashish esirtkilerin satýmen ainalysqan internet-dúkenge tosqaýyl qoidy, – dep habarlaidy Polisia.kz.
"Jedel-tergeý is-sharalaryn júrgizý barysynda joǵaryda atalǵan internet-dúkenniń operatory jáne kýreri bolǵan Oral qalasynyń eki turǵyny ustaldy.
Atyraý, Oral jáne Aqsai qalalarynda buryn jasyryp ketken 500-den astam esirtki oramy tárkilendi. Aita ketý kerek, olardyń 300-den astamy Atyraýda, Jaiyq ózeniniń jaǵasyndaǵy qoǵamdyq oryndardan tabyldy" - delingen habarlamada.
Qazirgi tańda esirtki dúkenin uiymdastyrýshyny anyqtaý jáne ony buǵattaý boiynsha jumys júrgizilip jatyr.
"Jyl basynan beri Ishki ister ministrligi internet-dúkenderdiń 19 uiymdastyrýshysyn, 105 operator men 297 esirtki jasyrýshyny ustady. Esirtki quraldarynyń taralýy týraly aqparatty qamtityn 3500 internet-resýrs anyqtalyp, buǵattaldy", – dedi QR IIM esirtki qylmysyna qarsy is-qimyl departamenti bastyǵynyń orynbasary Sarqytbai Qusaiynov.
