Qazaqstannyń birneshe óńirinde meditsina mamandary koronavirýs infektsiiasyn juqtyrǵan. Bul týraly QR Bas memlekettik sanitar dárigeri Aijan Esmaǵambetova aityp berdi, dep habarlaidy "Ult aqparat".
«Jańa qaýlyda meditsina qyzmetkerleriniń infektsiialyq qaýipsizdigin qamtamasyz etý algoritmi men jumys jaǵdaiyna, naýqastarmen bailanysqa qarai jeke qorǵanys quraldaryn qoldaný talaptary arnaiy qosymshada bekitildi. Bul taraý óte mańyzdy ári ózekti, koronavirýspen kúreste aldyńǵy shepte turǵan meditsinalyq mamandardy qorǵaýymyz qajet», - dedi bas sanitarlyq dáriger Ortalyq kommýnikatsiialar qyzmetinde ótken brifingte.
Onyń aitýynsha, elimizdiń birneshe óńirinde meditsinalyq mamandar virýs juqtyrǵan.
«Nur-Sultan, Almaty jáne Qaraǵandy qalalarynda koronavirýs infektsiiasyn juqtyrý qaýpi bar toppen tikelei bailanysta bolǵan meditsina qyzmetkerleriniń indet juqtyrý jaǵdailary tirkeldi», - dedi A. Esmaǵambetova.
Aita keteiik, Qazaqstanda koronavirýs infektsiiasyn juqtyrǵan 372 adam bar. 24 adam bul aýrýdan emdelip shyqty jáne 3 adam kóz jumdy.
Buǵan deiin A. Esmaǵambetova koronavirýs infektsiiasynan qaitys bolǵandardy jerleý algoritmin túsindirgen edi.
Qazaqstanda COVID-19 juqtyrǵandardyń 70% naýqaspen bailanysta bolǵan. Almaty men Nur-Sultan qalalarynda koronavirýs infektsiiasy bir adamnan 2-7 adamǵa juqqan.
