Syrtqy ister ministrliginiń resmi ókili Aibek Smadiiarov Qazaqstannyń Ýkrainadaǵy Elshiliginiń jumysyndaǵy ózgerister týraly málimet berdi, dep habarlaidy QazAqparat.
«Ústimizdegi jylǵy naýryzda Qazaqstannyń Ýkrainadaǵy Elshiligi Lvov qalasyna ýaqytsha kóshirilgeni belgili. Sonymen qatar Polsha men Moldovadaǵy elshilikterimizge ýaqytsha óz qyzmetin atqarý úshin eki qyzmetkerden jiberildi.
Elshi Darhan Káletaev jaqynda keńes ótkizý úshin Qazaqstanda boldy. Onyń qorytyndysy boiynsha qazirgi kezeńde eki qyzmetkerdi - áskeri attashe men kezekshi komendantty turaqty ornalastyrý úshin Kiev qalasyna qaitarý týraly sheshim qabyldandy», - deidi Aibek Smadiiarov.
Vedomstvonyń resmi ókili Elshiliktiń basqa qyzmetkerleri ázirge Lvov pen Kiev arasynda qatynai júrip qyzmet isteitinin atap ótti.
«Elshi jáne basqa qyzmetkerler Lvov pen Kiev arasynda qatynap júredi. Óitkeni bizdiń Kievtegi elshiligimizdiń ǵimaraty qajetti jumys pen konsýldyq qyzmet kórsetýge beiimdelgen. Sonymen qatar qujat ainalymy úshin barlyq qajetti tehnikalyq kommýnikatsiialary bar. Qazirgi tańda Elshiliktiń Lvov qalasynda ornalasýy azamattarymyz ben qandastarymyzdy evakýatsiialaýdyń jalǵasyp jatqan protsesi, sonyń ishinde olardyń qaýipsizdigin qamtamasyz etý máselesimen túsindiriledi», - dedi SIM ókili.
Onyń málimeti boiynsha, QR Elshiligin Kievke tolyq qaitarý týraly túpkilikti sheshimdi elshiniń usynysy boiynsha Syrtqy ister ministri qabyldaidy.
