Foto: videodan skrinshot
Qytaidyń tanymal Hunan TV telearnasy Qazaqstannyń týristik lokatsiialarynda túsirilgen «Voice Beyond Horizon» jańa telejobasynyń promo-beineroligin usyndy. Baǵdarlama elimizdiń týristik áleýetin milliondaǵan kórermenge kórsetedi, dep habarlaidy Ult.kz.
Joba Dimash Qudaibergenniń bastamasymen jáne Hunan Broadcasting System telearnasymen birlese qolǵa alyndy. Biylǵy qyrkúiek aiynda túsirilim toby men qatysýshylar Qazaqstannyń óńirleri boiynsha saiahattap, 7436 shaqyrymnan astam jol júrdi. Olar 22 kún ishinde olar elimizdiń bai tabiǵi jáne mádeni murasymen tanysty.
Túsirilimge Qazaqstan, Qytai, Qyrǵyzstan, Italiia, Malaiziia jáne Serbiia elderiniń ónerpazdary qatysty. Jobanyń baǵyty negizgi týristik oryndardy qamtydy. Onyń ishinde Uly Jibek jolynyń boiyndaǵy kóne Túrkistan, Mańǵystaý oblysyndaǵy Bozjyra men Kaspii teńiziniń jaǵalaýynyń biregei kórinisteri, Almaty óńiriniń tabiǵi injý-marjandary – Qaiyńdy kóli, Saty týristik aýyly, Qapshaǵai sý qoimasy, Aqmola oblysynyń Kóbeituz kóli men Shýchinsk-Býrabai kýrorttyq aimaǵy ispetti tabiǵi landshafttary bar.
«Voice Beyond Horizon» jobasy 2026 jyly Hunan TV telearnasy arqyly kópshilikke jol tartady.
