26 jeltoqsanda Qazaqstan óńirlerinde epidemiologiialyq ahýaldy baǵalaý matritsasyna sáikes, «qyzyl» aimaqta tórt óńir tur, dep habarlaidy "Ult aqparat".
«Qyzyl» aimaqta burynǵysynsha Atyraý oblysy qalyp otyr. Sonymen birge, búgin «qyzyl» aimaqqa Aqmola, Qostanai jáne Pavlodar oblystary endi.
Al «sary» aimaqta Nur-Sultan men Almaty qalalary, Soltústik Qazaqstan oblysy tur. Qalǵan óńirler - «jasyl» aimaqta.
Buǵan deiin habarlanǵandai, Aqmola oblysynyń bas memlekettik sanitarlyq dárigeri Ainagúl Mýsina «qyzyl» aimaqqa tez ótýge ne áser etkenin aitty.
«Búgin Aqmola oblysy «qyzyl» aimaqqa ótti. Reprodýktivti sandy esepteý kezinde koronavirýs infektsiiasynyń taralýy ótken aptamen salystyrǵanda 47 jaǵdaiǵa kóbeiip otyr. Reprodýktivti kórsetkish-1,03. Ol kóp bolǵan jaǵdaida «qyzyl» aimaqqa ótedi», - dedi A.Mýsina.
