Aqtóbe, Jambyl, Qaraǵandy, Túrkistan oblystarynda jáne Shymkent qalasynda qus tumaýynan qustyń qyrylý jaǵdaiy toqtady, dep habarlaidy "Ult aqparat".
«Táýlik boiynsha kórsetkishter qus ólimi qarqynynyń tómendegenin kórsetip otyr. Máselen, sońǵy táýlikte Túrkistan, Jambyl, Aqtóbe, Qaraǵandy oblystarynda, Shymkent qalasynda qus tumaýynan qustardyń qyrylý jaǵdaiy toqtady. Sonymen qatar, SQO, Pavlodar jáne Qostanai oblystarynda da bul kórsetkish azaiyp keledi», - dedi QR AShM veterinarlyq baqylaý jáne qadaǵalaý departamentiniń basshysy mindetin atqarýshy Tursyn Qabdoldanov OKQ-da ótken baspasóz máslihatynda.
Onyń aitýynsha jalpy, qus ólimi Qazaqstannyń 7 oblysynyń 41 aýdanynyń 99 eldimekeninde tirkelgen. Jeke aýlalarda 23 854 qus qyrylǵan. Al eki qus fabrikasyndaǵy ólgen qustyń jalpy sany 330 myń bastan aspaidy.
