Aqtaý, Qaraǵandy, Pavlodar, Qostanai qalasyna belarýstyq «Belavia» áýe kompaniiasynyń reisteri ashylady, – dep habarlaidy QR Indýstriia jáne infraqurylymdyq damý ministrliginiń baspasóz qyzmeti.
Baspasóz qyzmeti taratqan aqparattarǵa qaraǵanda, Memleket basshysynyń tapsyrmasy aiasynda jańa halyqaralyq baǵyttar ashý boiynsha QR IIDM Azamattyq aviatsiia komiteti júieli jumys júrgizýde. Sonymen, Komitet pen Belarýs Respýblikasynyń aviatsiialyq bilik oryndary arasyndaǵy qol jetkizilgen kelisimderge sáikes 2019 jyly jeltoqsanda Akaba (Iordaniia) qalasynda (ICAN 2019) áýe qatynastary týraly kelissózder júrgizý boiynsha ótken Halyqaralyq Azamattyq aviatsiia uiymynyń (IKAO) jyl saiynǵy kezekti konferentsiiasynda «Belavia» áýe kompaniiasy Qazaqstannyń qalalarynda birqatar reister ashady.
Áýe kompaniiasynda 2020 jyldyń jazǵy ýaqytynda ushatyn Minsk-Aqtaý, Minsk-Qaraǵandy, Minsk-Pavlodar jáne Minsk-Qostanai reisterine bilet satý bastaldy. Qazirgi ýaqytta «Belavia» áýe kompaniiasy Nur-Sultan jáne Almaty qalalaryna jyl boiy ushatyn reisterdi júzege asyrýda. Sondai – aq, biylǵy jyldyń shilde aiynan bastap Minsk-Almaty baǵytyndaǵy reister kún saiyn ushatyn bolady.
