Tótenshe jaǵdai jariialanǵan kúnnen bastap Nur-Sultan, Almaty, Shymkent, Aqtaý, Aqtóbe, Atyraý, Qaraǵandy, Qyzylorda, Taraz qalasynda ornalasqan nysandar men olardyń aýmaǵyn Qarýly kúshterdiń biologiialyq qorǵanys bólimsheleriniń áskeri qyzmetshileri arnaiy zalalsyzdandyrý jumysyn júrgizip jatyr, dep habarlaidy "Ult aqparat" QR Qorǵanys ministrligine silteme jasap.
Maindanda jappai joiý qarýynan qorǵaýmen ainalysatyn áskerilerdi azamattyq qorǵanys jumystaryna tartý – bul qajettilik. QR Prezidenti – Qarýly kúshterdiń Joǵary Bas qolbasshysynyń tapsyrmasyna sáikes dezinfektsiialaý jumystarynyń aýmaǵy keńeitilip, biologiialyq qorǵanys bólimsheleriniń sany arttyryldy.
Nur-Sultan qalasynda dezinfektsiialaý qalai júrgizilip jatqanyn Qorǵanys ministri Nurlan Ermekbaev tekserdi. Áńgimelesý barysynda ol áskeri qyzmetshilerdiń Qazaqstan azamattarynyń densaýlyǵy saqtaýda atqaratyn jumystary mańyzdy jáne aýqymdy ekendigin aityp ótti.
«Áskerilerdiń ereksheligi – beibit kezde isi kórinbeidi tek, qiyn kezde kómekke keletindiginde», – dedi Nurlan Ermekbaev sap túzegen sarbazdar men serjanttarǵa aitqan sózinde. Elimizde qajetti sharalar jasalyp, infektsiiaǵa qatysty jaǵdai baqylaýǵa alynǵan, biraq saq bolyp, sabyrlyq tanytý qajet.
«Sizderge basshylyq qana qarap otyrǵan joq, týǵan-týys, dos jáne barlyq qazaqstandyqtar qurmetpen qarap, úmit artyp otyr», – dedi ministr.
Áskeri qyzmetshilerdiń saýlyǵyn qorǵaýǵa da asa mán berý kerek. Bir jaýynger aýyryp qalsa bólimsheniń ǵana emes, búkil áskeri bólimniń jaýyngerlik ázirligine nuqsan kelýi múmkin. Áskeriler barlyq sanitarlyq-gigienalyq normalardyń talaptaryn qatań saqtap, indettiń alǵashqy belgisin bilýi qajet jáne ondai baiqalǵan kezde basshylyqqa jedel túrde baiandaýy tiis.
Áskerilerge túsken aýyrtpalyq eskerilip, taǵam ratsionyna vitaminder qosylyp ózgertiledi. Olar kún saiyn monshaǵa barady, kiimin arnaiy suiyqpen tazalaidy, sondai-aq jeke gigiena quralymen ýaqytyly qamtamasyz etilgen. Jumys barysynda áskeriler dalada kóp ýaqyt ótkizetindikten sektorlarda arnaiy biodárethana jáne sol mańdaǵy ǵimarattarǵa kirip-shyǵýyna múmkindik berý qarastyrylyp jatyr.
Ekologiiaǵa zalal keltirmeý úshin jumysta paidalanylatyn eritindi daiyndaýdyń ádisin baqylaý mindettelgen. Dezinfektsiialanatyn nysan men aýmaq tolyqtai óńdelýi tiis. Odan basqa quraldardy aýystyrý men jóndeý máselesi de sheshilýde.
Qorǵanys vedomstvosynyń basshysy áskeri qyzmetshilerge alǵys aitty, onyń ishinde túnde qaladaǵy iri nysandy jáne qala mańyndaǵy kenttegi indet oshaǵyn shuǵyl dezinfetsiialaǵandarǵa da alǵys bildirdi.
