QR Indýstriia jáne infraqurylymdyq damý ministrligi Indýstriialyq damý jáne ónerkásiptik qaýipsizdik komitetiniń tóraǵasy Marat Qarabaev taý-ken óndirý kompaniialary pandemiia kezinde qalai jumys istep otyrǵanyn aitty, dep habarlaidy QazAqparat.
«Biyl búkil álem indetke tap boldy, sala koronavirýs pandemiiasy saldaryn sezindi. Kásiporyndar óz jobalaryn belgisiz ýaqytqa keiinge qaldyrdy. Metaldar baǵasynyń jappai tómendeýi oryn alyp otyr. Qazaqstandaǵy sala ókilderiniń kezdesýine arnalǵan dástúrli alańdar – «Astana Mining & Metallurgy Congress» kórmesi álemdik karantin saldarynan 2021 jylǵa qaldyryldy. Degenmen búgin sizdermen iri jáne shaǵyn kásiporyndardyń sala aldynda turǵan qazirgi máselelerin eskere otyryp, júieli suhbat quryp, salanyń ózekti máselelerin ashyq talqylaý úshin, qazaqstandyq jáne sheteldik ónerkásip ókilderi arasynda iskerlik bailanysty nyǵaitý úshin onlain kezdesý ótkizýdi uiǵardyq», - dedi M. Qarabaev «Qazaqstannyń taý-ken salasynyń jańa jaǵdaiy» atty onlain konferentsiiada.
Spiker pandemiia saldarynan álem boiynsha jahandyq ekonomikanyń quldyraǵanyn atap ótti. Biraq 2020 jyldyń 9 aiyn taldai kele, Qazaqstannyń 40 jetekshi taý-ken óndirýshi kompaniiasynyń osy daǵdarystardy jeńýge jaqsy múmkindigi bary anyqtaldy.
«Buǵan pandemiia kezeńinde memlekettiń ýaqytyly qoldaýy yqpal etti. Ótken 2019 jylǵy tabysty qyzmet pen salaǵa salynǵan aýqymdy kapitaldyq salymdar arqyly qazaqstandyq taý-ken-metall sektory jańa jaǵdaiǵa beiimdele aldy jáne jańǵyrtý jolyna qarai turaqty jyljyp keledi. Jańa tehnologiialyq innovatsiialar men tsifrlyq sheshimderdi qoldanýdyń, saýatty menedjmenttiń arqasynda, jalpy ónim shyǵarý kólemin kúrt tómendetpei, jumys oryndaryn saqtap qala aldyq jáne investitsiialyq jobalardy tolyq kólemde iske asyra aldyq. Taý-ken salasynda esh quldyraý baiqalmaidy jáne kórsetkishter 2019 jylǵy deńgeide qalyp otyr. Meniń oiymsha, pandemiia kezeńi úshin bul óte jaqsy kórsetkish. Taý-ken kesheni kompaniialaryndaǵy tsifrlandyrý men qoljetimdi tehnologiialar Prezident Joldaýynda aitylǵan ulttyq básekege qabilettilikke qol jetkizýdiń negizgi quraly. Ónerkásip pen IT-sala arasyndaǵy ózara tiimdi yntymaqtastyq pandemiiadan keiingi kezeńde qozǵaýshy kúshke ainalýy múmkin zamanaýi tsifrlyq tehnologiialyq platformalardy qalyptastyrýǵa múmkindik beredi», - dedi M. Qarabaev.
