Qazaqstannyń syrtqy ister ministrligi Ázerbaijan Respýblikasyn Táýelsizdik kúnimen quttyqtady, dep habarlaidy "Ult aqparat".
«Qurmetti áriptester, baýyrlas Ázerbaijan halqyn Táýelsizdik kúnimen quttyqtaimyz! Gúldený men órkendeý tileimiz!» delingen elimizdiń syrtqy saiasi vdeomstvosynyń Twitter paraqshasyndaǵy habarlamada.
Aita keteiik, búgin - Ázerbaijan eliniń Memlekettik meiramy - Táýelsizdik kúni. 1991 jyly 18 qazanda «Ázerbaijan Respýblikasynyń memlekettik táýelsizdigi jónindegi» konstitýtsiialyq shart qabyldanǵan.
Ázerbaijan - Kavkazdyń ońtústik-shyǵysynda ornalasqan memleket. Soltústiginde - Reseimen, soltústik-batysynda - Grýziiamen, ońtústik-batysynda - Armeniia jáne Túrkiiamen, ońtústiginde - Iranmen, shyǵysynda Kaspii teńizi arqyly Qazaqstanmen shektesedi.
Astanasy - Baký. Memlekettik tili - ázerbaijan tili.
Qazaqstan Respýblikasy men Ázerbaijan Respýblikasy arasyndaǵy diplomatiialyq qarym-qatynas 1992 jylǵy 27 tamyzdan bastap ornaǵan.
