Eldiń syrtqy qaryzy 8,6% azaidy, dep habarlaidy Habar 24.
Agenttiktiń habarlaýynsha, Qazaqstannyń syrtqy qaryzy ótken jyldyń qazan aiyndaǵy esebi boiynsha, 8,6% azaiyp, 161,5 mlrd dollarǵa deiin tómendegen.
Syrtqy boryshtyń 63,7% burynǵysynsha firmaaralyq bereshek qurasa, 25,7% bailanysty emes kreditorlar aldyndaǵy qaryz, 7,1% memlekettik syrtqy borysh, al, 3,5%-i «Bank» sektorynyń syrtqy mindettemeleri bolyp otyr.
Ótken jyldyń 3 toqsanynda ekonomikanyń barlyq sektorlary esebinen eldiń syrtqy bereshegi 3 mlrd AQSh dollaryna qysqardy. Al memlekettik syrtqy borysh negizinde Ulttyq banktiń qysqamerzimdi notalaryn óteý jáne olarǵa shetel investorlarynyń suranysynyń azaiýy esebinen shamamen 453 mln AQSh dollaryna qysqarǵan.
Al firmaaralyq bereshek munai-gaz sektoryndaǵy iri kompaniialardyń sheteldik uiymdardyń enshiles kásiporyndarynan nesieni óteý nátijesinde 823,7 mln AQSh dollaryna tómendedi.
