Úkimettiń atynan alynǵan qaryzdyń qurylymynda ishki boryshtyń úlesi artyp, syrtqy boryshtyń úlesi azaiǵan. Bul týraly Respýblikalyq biýdjettiń atqarylýyn baqylaý jónindegi Esep komitetiniń tóraǵasy Natalia Godýnova Parlamenttiń birlesken otyrysynda aitty, dep habarlaidy QazAqparat.
«Memlekettik boryshtyń jalpy ishki ónimge qatynasy jańa biýdjettik saiasattyń tujyrymdamasynda kórsetilgen 27 paiyzdyq mejeden sál asty. Esepti kezeńde Úkimet boryshynyń qúrylymy jaqsardy. Ishki qaryzdyń úlesi 60 paiyzǵa deiin ósip, syrtqy qaryzdyń úlesi 40 paiyzǵa deiin azaidy. Degenmen byltyr syrttan alǵan qaryz mólsheriniń 4 ese artýy – aitarlyqtai syn-qater», - dedi komitet basshysy.
Onyń aitýynsha, syrtqy qaryzdy aqylǵa qonymsyz tartyp, qoldaný áreketi úshin jeke jaýapkershilik engizý sharalary da qolǵa alyna bastaǵan.
«Ondai túzetýlerdiń bir bóligi ázirlenip, Senattyń qaraýyna joldandy. Qalǵan túzetýler boiynsha jumysty Parlamenttiń kúzgi sessiiasynda aiaqtaýdy josparlap otyrmyz.
Osylarmen birge memleket boryshynyń qaýipsiz shegin ashyq esepteý jáne syrttan alynǵan boryshtyń tiimdi igerilýine taldaý jasaý tetikterin engizý qajet», - dedi Natalia Godýnova.
