Memleket basshysy Qasym-Jomart Toqaevtyń Jarlyqtarymen Qazaqstannyń Serbiia, Shvetsiia, Braziliia, Chili, Argentina elderindegi Elshileri taǵaiyndaldy, dep habarlaidy Aqorda.
Mádi Bákiruly Atamqulov Qazaqstan Respýblikasynyń Serbiia Respýblikasyndaǵy Tótenshe jáne Ókiletti Elshisi laýazymyna taǵaiyndaldy;
Qazaqstan Respýblikasynyń Shvetsiia Koroldigindegi Tótenshe jáne Ókiletti Elshisi Sergei Nurtaiuly Nurtaev Qazaqstan Respýblikasynyń Daniia Koroldigindegi Tótenshe jáne Ókiletti Elshisi qyzmetin qosa atqarýshy laýazymyna taǵaiyndaldy;
Qazaqstan Respýblikasynyń Braziliia Federativtik Respýblikasyndaǵy Tótenshe jáne Ókiletti Elshisi Bolat Turaruly Núsipov Qazaqstan Respýblikasynyń Argentina Respýblikasyndaǵy, Chili Respýblikasyndaǵy Tótenshe jáne Ókiletti Elshisi qyzmetin qosa atqarýshy laýazymyna taǵaiyndaldy.
Sonymen qatar, Memleket basshysynyń ókimimen Mádi Bákiruly Atamqulov Qazaqstan Respýblikasynyń Prezidenti Protokolynyń bastyǵy laýazymynan bosatyldy.
Mádi Bákiruly Atamqulov 1974 jyly 27 qarashada Almaty oblysynda dúniege kelgen.
Q.Sátpaev atyndaǵy Qazaq ulttyq tehnikalyq ýniversitetin, Qazaqstan Respýblikasy Prezidentiniń janyndaǵy Memlekettik basqarý akademiiasynyń Diplomatiia institýtyn bitirgen. 2003 jyly Pákistan Syrtqy ister ministrliginiń Diplomatiialyq biliktiligin arttyrý kýrstarynan ótti.
Memlekettik emes sektorda ártúrli laýazymdarda jumys istedi. 2003 jyly Qazaqstan SIM-niń TMD isteri jónindegi komitetiniń birinshi hatshysy retinde diplomatiialyq qyzmette jumys istei bastady. 2006 jyldan bastap Memlekettik protokol qyzmeti bóliminiń bastyǵy laýazymyn atqaryp, SIM Ortalyq apparatynyń osy bólimshesiniń basshysyna deiin qyzmet etti. 2014-2015 jyldary QR Parlamenti Senatynyń apparaty basshysynyń orynbasary qyzmetin atqardy.
Qazaqstannyń Serbiiadaǵy Elshisi laýazymyna taǵaiyndalǵanǵa deiin 2015 jyldan bastap QR Prezidenti Protokolynyń basshysy boldy.
I synypty Tótenshe jáne Ókiletti Ýákil diplomatiialyq dárejesine ie.
