Búgin Joǵarǵy Sottyń qylmystyq ister jónindegi sot alqasy E.Ótembaevqa, A.Qarashevqa, B.Nurekenovke qatysty qylmystyq isti qarady, dep habarlaidy vedomstvonyń baspasóz qyzmetine silteme jasap.
Baspasóz qyzmetiniń málimetterine qaraǵanda, budan buryn Nur-Sultan qalasy Baiqońyr aýdanynyń №2 sotynyń 2020 jylǵy 18 qyrkúiektegi úkimimen Qarashev (SIM-niń burynǵy jaýapty hatshysy) laýazymdyq ókilettikterin asyra paidalanǵany (QK-niń 361-baby 4-bóliginiń 3-tarmaǵy), al Ótembaev (Qazaqstannyń Ózbekstandaǵy burynǵy elshisi) pen Nurekenov (merdigerlik uiymnyń direktory) kórsetilgen áreketterge járdemdeskeni úshin (QK-niń 28-babynyń 5-bóligi, 361-baby 4-bóliginiń 3-tarmaǵy) kináli dep tanylǵan.
Prokýror Qarashevty para aldy jáne qylmystyq jolmen alynǵan aqshany zańdastyrdy degen aiyptan bas tartty, sáikesinshe istiń osy bóligi toqtatyldy.
Kassatsiia isti zerdelep, sottalǵandardy aqtaýdy suraǵan advokattardy, isti jańa qaraýǵa jiberýdi usynǵan prokýrordy tyńdai kele, kelesi tujyrymǵa keldi.
«Is boiynsha sotqa deiingi tergep-tekserý men sot tergeýi birjaqty ári jarym-jartylai júrgizilgen. Aiyptaý aktisine sáikes, Qarashev, Ótembaev pen Nurekenov Qazaqstannyń Ózbekstandaǵy elshiliginiń qurylysy boiynsha oryndalǵan jumystar aktisine qol qoiǵan, nátijesinde biýdjetke 53 mln. teńge somasynda (oryndalǵan jáne aktilerde kórsetilgen jumystardyń aiyrmashylyǵy) zalal kelgen.
Birinshi satydaǵy sot saraptama eskermegen materialdar men merdigerdiń shottaryndaǵy qarajat qaldyǵyn 53 mln. teńgeden alyp tastap, zalal mólsherin 22 mln. teńge dep tanyǵan», - delingen resmi habarlamada.
Osy rette, tergeý men sot organdary mynadai mán-jailardy anyqtamaǵan:
1. Elshilik ǵimaratynyń qurylysyn basqa merdiger bastaǵan. Taǵylǵan aiyptyń negizine alynǵan saraptama qorytyndysy boiynsha aldyńǵy merdiger 274 284 632 teńge kólemindegi (oryndalǵan jáne aktilerde kórsetilgen jumystar qunynyń aiyrmashylyǵy) jumysty oryndamaǵan. Sot sheshimimen atalǵan merdiger memlekettik satyp alýdyń josyqsyz qatysýshysy dep tanylǵan.
Nurekenov bastaǵan merdiger kemshilikteri bar, aiaqtalmaǵan nysandy qabyldap, qurylysty sońyna deiin jetkizgen. Nysan 2019 jyly paidalanylýǵa berilgen.
2. Qaldyq jumystarǵa arnalǵan jobalyq-smetalyq qujattama (naryqtyq baǵalardyń ózgerýin, aldyńǵy merdiger oryndamaǵan jumys kólemin eskere otyryp) bekitilmegen. Iaǵni, jumys túrleri men olardyń quny tapsyrys berýshi men merdiger arasynda kelisilmegen.
Aldyńǵy merdiger jumys istegen jáne onyń sáikestigine saraptama júrgizilgen JSQ-nyń kemshiligi men ony túzetý qajettigin Nurekenov basshylyq etken merdigerdiń aktilerde kózdelmegen 59 mln. teńgeden astam somaǵa jumystar oryndalǵany aiǵaqtaidy.
3. Baqylaýǵa alý maqsatyndaǵy ólsheý aktisi negizinde júrgizilgen saraptama 2018 jyly oryndalǵan. Al nysan 2019 jyly paidalanýǵa berilgen. Iaǵni, qurylys aiaqtalǵannan keiin oryndalǵan jumystardyń kólemi eseptelmegen.
4. Aiyptaý aktisinde qylmystyq qýdalaý organdary elshiliktiń qurylysyna bólingen aqsha qarajatyn jymqyrǵany týraly dálelderdi usynbaǵan. Ózbekstan Respýblikasynda barlyq esep aiyrysý qolma-qol aqshasyz júrgiziledi. Shottaǵy, qolma-qol aqshanyń alynǵany, materialdardyń nemese jabdyqtardyń satylǵany anyqtalmaǵan. Merdigerdiń kásiporny SIM-niń sharýashylyq basqarmasyna vedomstvolyq baǵynysty uiym bolyp tabylady.
«Osynyń barlyǵy zalal faktisi men somasy týraly máseleni tekserý qajettigin bildiredi. Zań talaptaryna sáikes sot tergeýin júrgizýge jáne jańa dáleldemelerdi zertteýge kassatsiialyq sot ýákiletti emes. Osylaisha, sot aktileriniń kúshi joiylyp, is apelliatsiialyq satyǵa qaita qaraýǵa jiberildi», - delingen Joǵarǵy sottyń osy iske qatysty derekterinde.
