بٷگٸن جوعارعى سوتتىڭ قىلمىستىق ٸستەر جٶنٸندەگٸ سوت القاسى ە.ٶتەمباەۆقا, ا.قاراشەۆقا, ب.نۇرەكەنوۆكە قاتىستى قىلمىستىق ٸستٸ قارادى, دەپ حابارلايدى ۆەدومستۆونىڭ باسپاسٶز قىزمەتٸنە سٸلتەمە جاساپ.
باسپاسٶز قىزمەتٸنٸڭ مەلٸمەتتەرٸنە قاراعاندا, بۇدان بۇرىن نۇر-سۇلتان قالاسى بايقوڭىر اۋدانىنىڭ №2 سوتىنىڭ 2020 جىلعى 18 قىركٷيەكتەگٸ ٷكٸمٸمەن قاراشەۆ (سٸم-نٸڭ بۇرىنعى جاۋاپتى حاتشىسى) لاۋازىمدىق ٶكٸلەتتٸكتەرٸن اسىرا پايدالانعانى (قك-نٸڭ 361-بابى 4-بٶلٸگٸنٸڭ 3-تارماعى), ال ٶتەمباەۆ (قازاقستاننىڭ ٶزبەكستانداعى بۇرىنعى ەلشٸسٸ) پەن نۇرەكەنوۆ (مەردٸگەرلٸك ۇيىمنىڭ ديرەكتورى) كٶرسەتٸلگەن ەرەكەتتەرگە جەردەمدەسكەنٸ ٷشٸن (قك-نٸڭ 28-بابىنىڭ 5-بٶلٸگٸ, 361-بابى 4-بٶلٸگٸنٸڭ 3-تارماعى) كٸنەلٸ دەپ تانىلعان.
پروكۋرور قاراشەۆتى پارا الدى جەنە قىلمىستىق جولمەن الىنعان اقشانى زاڭداستىردى دەگەن ايىپتان باس تارتتى, سەيكەسٸنشە ٸستٸڭ وسى بٶلٸگٸ توقتاتىلدى.
كاسساتسييا ٸستٸ زەردەلەپ, سوتتالعانداردى اقتاۋدى سۇراعان ادۆوكاتتاردى, ٸستٸ جاڭا قاراۋعا جٸبەرۋدٸ ۇسىنعان پروكۋروردى تىڭداي كەلە, كەلەسٸ تۇجىرىمعا كەلدٸ.
«ٸس بويىنشا سوتقا دەيٸنگٸ تەرگەپ-تەكسەرۋ مەن سوت تەرگەۋٸ بٸرجاقتى ەرٸ جارىم-جارتىلاي جٷرگٸزٸلگەن. ايىپتاۋ اكتٸسٸنە سەيكەس, قاراشەۆ, ٶتەمباەۆ پەن نۇرەكەنوۆ قازاقستاننىڭ ٶزبەكستانداعى ەلشٸلٸگٸنٸڭ قۇرىلىسى بويىنشا ورىندالعان جۇمىستار اكتٸسٸنە قول قويعان, نەتيجەسٸندە بيۋدجەتكە 53 ملن. تەڭگە سوماسىندا (ورىندالعان جەنە اكتٸلەردە كٶرسەتٸلگەن جۇمىستاردىڭ ايىرماشىلىعى) زالال كەلگەن.
بٸرٸنشٸ ساتىداعى سوت ساراپتاما ەسكەرمەگەن ماتەريالدار مەن مەردٸگەردٸڭ شوتتارىنداعى قاراجات قالدىعىن 53 ملن. تەڭگەدەن الىپ تاستاپ, زالال مٶلشەرٸن 22 ملن. تەڭگە دەپ تانىعان», - دەلٸنگەن رەسمي حابارلامادا.
وسى رەتتە, تەرگەۋ مەن سوت ورگاندارى مىناداي مەن-جايلاردى انىقتاماعان:
1. ەلشٸلٸك عيماراتىنىڭ قۇرىلىسىن باسقا مەردٸگەر باستاعان. تاعىلعان ايىپتىڭ نەگٸزٸنە الىنعان ساراپتاما قورىتىندىسى بويىنشا الدىڭعى مەردٸگەر 274 284 632 تەڭگە كٶلەمٸندەگٸ (ورىندالعان جەنە اكتٸلەردە كٶرسەتٸلگەن جۇمىستار قۇنىنىڭ ايىرماشىلىعى) جۇمىستى ورىنداماعان. سوت شەشٸمٸمەن اتالعان مەردٸگەر مەملەكەتتٸك ساتىپ الۋدىڭ جوسىقسىز قاتىسۋشىسى دەپ تانىلعان.
نۇرەكەنوۆ باستاعان مەردٸگەر كەمشٸلٸكتەرٸ بار, اياقتالماعان نىساندى قابىلداپ, قۇرىلىستى سوڭىنا دەيٸن جەتكٸزگەن. نىسان 2019 جىلى پايدالانىلۋعا بەرٸلگەن.
2. قالدىق جۇمىستارعا ارنالعان جوبالىق-سمەتالىق قۇجاتتاما (نارىقتىق باعالاردىڭ ٶزگەرۋٸن, الدىڭعى مەردٸگەر ورىنداماعان جۇمىس كٶلەمٸن ەسكەرە وتىرىپ) بەكٸتٸلمەگەن. ياعني, جۇمىس تٷرلەرٸ مەن ولاردىڭ قۇنى تاپسىرىس بەرۋشٸ مەن مەردٸگەر اراسىندا كەلٸسٸلمەگەن.
الدىڭعى مەردٸگەر جۇمىس ٸستەگەن جەنە ونىڭ سەيكەستٸگٸنە ساراپتاما جٷرگٸزٸلگەن جسق-نىڭ كەمشٸلٸگٸ مەن ونى تٷزەتۋ قاجەتتٸگٸن نۇرەكەنوۆ باسشىلىق ەتكەن مەردٸگەردٸڭ اكتٸلەردە كٶزدەلمەگەن 59 ملن. تەڭگەدەن استام سوماعا جۇمىستار ورىندالعانى ايعاقتايدى.
3. باقىلاۋعا الۋ ماقساتىنداعى ٶلشەۋ اكتٸسٸ نەگٸزٸندە جٷرگٸزٸلگەن ساراپتاما 2018 جىلى ورىندالعان. ال نىسان 2019 جىلى پايدالانۋعا بەرٸلگەن. ياعني, قۇرىلىس اياقتالعاننان كەيٸن ورىندالعان جۇمىستاردىڭ كٶلەمٸ ەسەپتەلمەگەن.
4. ايىپتاۋ اكتٸسٸندە قىلمىستىق قۋدالاۋ ورگاندارى ەلشٸلٸكتٸڭ قۇرىلىسىنا بٶلٸنگەن اقشا قاراجاتىن جىمقىرعانى تۋرالى دەلەلدەردٸ ۇسىنباعان. ٶزبەكستان رەسپۋبليكاسىندا بارلىق ەسەپ ايىرىسۋ قولما-قول اقشاسىز جٷرگٸزٸلەدٸ. شوتتاعى, قولما-قول اقشانىڭ الىنعانى, ماتەريالداردىڭ نەمەسە جابدىقتاردىڭ ساتىلعانى انىقتالماعان. مەردٸگەردٸڭ كەسٸپورنى سٸم-نٸڭ شارۋاشىلىق باسقارماسىنا ۆەدومستۆولىق باعىنىستى ۇيىم بولىپ تابىلادى.
«وسىنىڭ بارلىعى زالال فاكتٸسٸ مەن سوماسى تۋرالى مەسەلەنٸ تەكسەرۋ قاجەتتٸگٸن بٸلدٸرەدٸ. زاڭ تالاپتارىنا سەيكەس سوت تەرگەۋٸن جٷرگٸزۋگە جەنە جاڭا دەلەلدەمەلەردٸ زەرتتەۋگە كاسساتسييالىق سوت ۋەكٸلەتتٸ ەمەس. وسىلايشا, سوت اكتٸلەرٸنٸڭ كٷشٸ جويىلىپ, ٸس اپەللياتسييالىق ساتىعا قايتا قاراۋعا جٸبەرٸلدٸ», - دەلٸنگەن جوعارعى سوتتىڭ وسى ٸسكە قاتىستى دەرەكتەرٸندە.
