«KEGOC» AQ Qazaqstannyń ońtústik óńirleriniń elektr energiiasynan ajyratylý sebepterin aitty, dep habarlaidy QazAqparat.
«2022 jylǵy 25 qańtarda Nur-Sultan ýaqyty boiynsha saǵat 11:59-da Ózbekstan Respýblikasynda qysqa tuiyqtalý saldarynan Syrdariia JES-indegi 6 energiia blogy ajyratylyp, generatsiianyń jiyntyq shyǵyny 1500 MVt-tan asty. Ózbekstannyń energiia júiesinde paida bolǵan qýat tapshylyǵy Ózbekstan men Qyrǵyzstannyń energiia júielerimen qatarlas jumys isteýge qosylǵan Qazaqstannyń energiia júiesinen qýatty sanktsiialanbaǵan irikteýge alyp keldi. Saldarynan 500 kV «Qazaqstannyń Soltústik-Shyǵys-Ońtústik» tranzitine qýat «shamadan tys jinalýy» oryn alyp, júkteme asyp ketti. Energetikalyq jabdyqtyń buzylýyna jáne eldiń ońtústik oblystarynyń tolyq sóndirilýine jol bermeý maqsatynda avtomatika áreketimen Almaty, Jambyl, Túrkistan jáne Qyzylorda oblystary oqshaýlanǵan jumysqa aýystyryla otyryp, tranzit bólindi», - delingen kompaniia aqparatynda.
«KEGOC» AQ-nyń avariiaǵa qarsy avtomatikasynyń durys jáne ýaqtyly jumysynyń arqasynda respýblikanyń ońtústik oblystaryndaǵy barlyq elektr stantsiialary jiyntyq qýaty shamamen 1500 MVt tutynýshylardy elektrmen jáne jylýmen jabdyqtaýdy jalǵastyra otyryp, jumys istep turdy.
Osylaisha, Qazaqstannyń ońtústik aimaǵyndaǵy tutynýshylardy tolyq ajyratýǵa jol berilmedi. 500 kV «Qazaqstannyń Soltústik-Shyǵys-Ońtústik» tranziti boiynsha qýattyń jetkizilýiniń bolmaýyna bailanysty májbúrli shekteýler shamamen 1800 MVt qurady.
Sol ýaqytta Ózbekstan men Qyrǵyzstannyń energiia júieleri barlyq elektr stantsiialary men tutynýshylary ajyratyla otyryp, tolyǵymen óshti. Ózbekstannyń energiia júiesinde ajyratylǵan júkteme shamamen 9600 MVt (tutynýdyń 100%-y), Qyrǵyzstanda shamamen 2600 MVt (tutynýdyń 100%-y) qurady.
Jeli shemasyn jedel qalpyna keltirý barysynda saǵat 14:45-te Qyzylorda oblysy boiynsha barlyq shekteýler alynyp tastaldy, 14:53-te Almaty qalasy men Almaty oblysy boiynsha barlyq shekteýler alynyp tastaldy. 16.00-ge qarai Qazaqstannyń ońtústik oblystarynyń tutynýshylaryn elektrmen jabdyqtaý qalpyna keltirildi.
Qazaqstan BEJ-i tarapynan qalpyna keltirý aiasynda Qyrǵyzstan men Ózbekstannyń energiia júielerine atalǵan elderdiń elektr stantsiialaryna kerneý berý arqyly kómek kórsetildi, bul olarǵa qalpyna keltirý is-sharalaryn bastaýǵa múmkindik berdi. Qyrǵyzstannyń energiia júiesiniń qalypty rejimine oralýy shamamen bir táýlik ýaqytty qajet etti. Aǵymdaǵy jylǵy 27 qańtar saǵat 14:00-degi jai-kúi boiynsha Ózbekstannyń energiia júiesi avariiany joiýdy jalǵastyrýda.
«Apattyń tsifrlyq mainingti tutynýshylardyń qyzmetimen bailanysty emes ekendigin aita ketken jón», - dep atap ótedi kompaniiadan.
Eske salaiyq, 25 qańtarda (Nur-Sultan ýaqytymen) Ortalyq Aziia (Ózbekstan, Qyrǵyzstan) energiia júiesinde týyndaǵan aqaý saldarynan «Soltústik-Shyǵys-Qazaqstannyń ońtústigi» 500 kV elektr energiiasy tranzitine arnalǵan qýattyń tómendeýi oryn aldy.
Sonyń saldarynan Almatynyń birneshe aýdanynda elektr energiiasy óship qaldy. Sondai-aq Qyzylorda oblysynda elektr energiiasyna bailanysty irkilis boldy.
Budan bólek, áleýmettik jelilerde jaryq Jambyl jáne Túrkistan oblystarynda da óshkeni týraly jazyldy.
Elektr energiiasy Qazaqstanmen qatar, Ózbekstanda jáne Qyrǵyzstan elderinde de óshti.
Osy oqiǵa bailanysty QR Energetika ministrligi elektr energiiasyn óshirý sebepterin tekserý boiynsha arnaiy komissiia qurdy.
