27 qańtar kúni qazaqstandyq delegatsiia Nur-Sultan-Almaty-Beijiń baǵyty boiynsha Olimpiada oiyndaryna ushyp ketti, dep habarlaidy "Ult aqparat" Olympic.kz saityna silteme jasap.
Barlyq sportshy men bapker ushar aldyndaǵy sońǵy aptany karantinde ótkizdi. Naqtylap aitar bolsaq, olar úshinshi tarappen bailanyspai, kópshilikten bólek turyp, bólek jattyǵý jasady.
Qytaiǵa delegatsiiany arnaiy «Air Astana» áýe reisi barlyq qaýipsizdik talaptaryn saqtai otyryp jetkizedi.
Bul reispen konkimen júgirý, fristail-mogýl, short-trek, taý shańǵysy, shańǵymen tuǵyrdan sekirý jáne shańǵy qossaiysynan ulttyq quramalar ushyp ketken.
Al qorytyndy jiyndy shetelde ótkizip jatqan biatlon, shańǵy jarysy jáne shańǵy akrobatikasynan ulttyq quramalar Qytaiǵa óz baǵyty boiynsha keledi.
«Búgin biz Olimpiada oiyndaryna ushyp baramyz. Bul - bárimiz úshin tolqityn sát. Biz jaqsylyqtan úmittimiz jáne mundai jaýapty jarysty bar kúshimizdi salamyz. Osyndai qiyn kezeńde barlyq jaǵdaidy jasap, qoldaý kórsetkeni úshin Memleket basshysyna men Úkimetke, Ulttyq Olimpiadalyq komitetke alǵys aitamyn. Biz qandai kezeń bolsa da, jattyǵýdy úzgen emespiz», - deidi Qazaqstan komandasynyń tý ustaýshysy, short-trekten qurama kóshbasshysy Abzal Ájiǵaliev.
Olimpiadanyń saltanatty ashylý rásimi 4 aqpan kúni Beijińdegi Ulttyq stadionda ótedi.
Foto: Sali Sabirov, Vladislav Semionov, Qazaqstan UOK
