Qazaqstannyń mádenieti, salt-dástúri men óneri Afrikada tanytylady, dep habarlaidy "Ult aqparat" TÚRKSOI uiymynyń baspasóz qyzmetine silteme jasap.
Halyqaralyq TÚRKSOI uiymynyń bas hatshysy Dúisen Qaseiinov Kongo Demokratiialyq Respýblikasymen ózara túsinistik týraly memorandýmǵa qol qoidy.
Endi túbi bir túrki elderiniń tarihyn Afrika qurlyǵy tanityn boldy.
Kongonyń Mádeniet, óner jáne miras ministri Ketrin Katýngý Fýrahtyń aitýynsha, bul qujat mádeniet, óner jáne akademiialyq zertteýler salasynda ortaq jumys atqaryp, jaqyndasýǵa múmkindik beredi.
«Túrki halyqtarynyń muralarymen tanysatynymyzǵa qýanyshtymyn», - dedi ol.
Sondai-aq TÚRKSOI uiymynyń bas hatshysy Dúisen Qaseiinov halyqaralyq túrki mádenieti yntymaqastyǵy uiymynyń jobalaryna afrikalyq ónerpazdar men ǵalymdardyń múshe retinde qatysatynyna qýanyshty ekenin jetkizdi.
Sapar barysynda TÚRKSOI uiymy alǵashqy shara retinde Iýnýs Emreniń kórmesin ótkizdi.
