QR Ekologiia, geologiia jáne tabiǵi resýrstar ministrligi búginnen bastap Qazaqstannyń Qyzyl kitabyna jolbarys Ońtústik - Batys Aziia qabylany jáne kerqulan (Prjevalskii jylqysy) kirgenin habarlaidy.
Ministrliktiń Telegram kanaly taratqan málimetterge qaraǵanda, «Ósimdikter men janýarlardyń sirek kezdesetin jáne Quryp ketý qaýpi tóngen túrleriniń tizbesin bekitý týraly» Qazaqstan Respýblikasy Úkimetiniń 2006 jylǵy 31 qazandaǵy № 1034 qaýlysyna tolyqtyrýlar engizý buǵan negiz boldy.
Aita keteiik, Aldyńǵy Aziia qabylany popýliatsiiasynyń álemdegi jalpy sany 870 -1,3 myń basty quraidy, Qazaqstanda tek Ústirt memlekettik tabiǵi qoryǵynda ǵana kezdesedi.
Sonymen qatar, búgingi tańda Ekologiia, geologiia jáne tabiǵi resýrstary ministrligi Balqash mańyndaǵy jolbarystardy qalpyna keltirýdiń 15 jylǵa arnalǵan baǵdarlamasyn jasady. Ol ańnyń meken etý ortasyn daiyndaý, jolbarysty tabiǵatqa jiberý jáne baǵdarlamanyń júzege asýyn baqylaý sharalaryn qamtidy.
Prjevalskii jylqysy jabaiy jylqylardyń kishi túrlerine jatady, jylqy otbasynyń sirek kezdesetin ókilderiniń biri, elde shamamen 10 shaqty danasy bar.
Esterińizge sala keteiik, qazirgi tańda Qazaqstannyń Qyzyl kitabyna ósimdikterdiń 400-ge jýyq túri men omyrtqaly janýarlardyń 133 túri engen.
