Saýda jáne integratsiia ministri Baqyt Sultanov Qytaiǵa et tasymaldaýǵa bailanysty azamattardyń alańdaýshylyǵyna qatysty pikir bildirdi, dep habarlaidy QazAqparat.
Ortalyq kommýnikatsiialar qyzmetinde ministrge jýrnalister Qazaqstannyń Qytaiǵa et eksportyn arttyrýyna qatysty suraq qoidy. Osy máselege bailanysty azamattar áleýmettik jeliler arqyly óziniń qaýpin bildirip, jekelegen aimaqtarda et baǵasynyń kóterilip ketýine aparyp soqtyrýy múmkin
«Ónimdi eksporttaý – keshendi tapsyrma. Biz eksporttyq akseleratsiia baǵdarlamasyn iske asyryp jatyrmyz. Álbette ónimdi eksportqa shyǵarmas buryn óz elimizdiń ishinde de birshama is tyndyrý kerek. Jalpy eksport týraly aitar bolsaq, ónimniń kez kelgen túri boiynsha biz ishki qajettilikti qanaǵattandyryp alýymyz kerek. Sodan artylǵan ónim ǵana syrtqa shyǵarylady», - dedi Baqyt Sultanov.
Ministrdiń aitýynsha et boiynsha Qazaqstannyń sharýalary ishki naryqty tolyǵymen qamtamasyz etip otyr.
«Biz et eksportyna, onyń ishinde óńdep jiberýge basa mán berýimiz kerek. Mysalmen keltirip aitsam: biz 7-den 13 kelige deiingi bidaidy bir dollarǵa satýymyz múmkin. Al olar bir keli bidaidy óńdelse, ary qarai 2-2,5 dollarǵa satylýy yqtimal», - dedi Baqyt Sultanov.
