ساۋدا جەنە ينتەگراتسييا مينيسترٸ باقىت سۇلتانوۆ قىتايعا ەت تاسىمالداۋعا بايلانىستى ازاماتتاردىڭ الاڭداۋشىلىعىنا قاتىستى پٸكٸر بٸلدٸردٸ, دەپ حابارلايدى قازاقپارات.
ورتالىق كوممۋنيكاتسييالار قىزمەتٸندە مينيسترگە جۋرناليستەر قازاقستاننىڭ قىتايعا ەت ەكسپورتىن ارتتىرۋىنا قاتىستى سۇراق قويدى. وسى مەسەلەگە بايلانىستى ازاماتتار ەلەۋمەتتٸك جەلٸلەر ارقىلى ٶزٸنٸڭ قاۋپٸن بٸلدٸرٸپ, جەكەلەگەن ايماقتاردا ەت باعاسىنىڭ كٶتەرٸلٸپ كەتۋٸنە اپارىپ سوقتىرۋى مٷمكٸن
«ٶنٸمدٸ ەكسپورتتاۋ – كەشەندٸ تاپسىرما. بٸز ەكسپورتتىق اكسەلەراتسييا باعدارلاماسىن ٸسكە اسىرىپ جاتىرمىز. ەلبەتتە ٶنٸمدٸ ەكسپورتقا شىعارماس بۇرىن ٶز ەلٸمٸزدٸڭ ٸشٸندە دە بٸرشاما ٸس تىندىرۋ كەرەك. جالپى ەكسپورت تۋرالى ايتار بولساق, ٶنٸمنٸڭ كەز كەلگەن تٷرٸ بويىنشا بٸز ٸشكٸ قاجەتتٸلٸكتٸ قاناعاتتاندىرىپ الۋىمىز كەرەك. سودان ارتىلعان ٶنٸم عانا سىرتقا شىعارىلادى», - دەدٸ باقىت سۇلتانوۆ.
مينيستردٸڭ ايتۋىنشا ەت بويىنشا قازاقستاننىڭ شارۋالارى ٸشكٸ نارىقتى تولىعىمەن قامتاماسىز ەتٸپ وتىر.
«بٸز ەت ەكسپورتىنا, ونىڭ ٸشٸندە ٶڭدەپ جٸبەرۋگە باسا مەن بەرۋٸمٸز كەرەك. مىسالمەن كەلتٸرٸپ ايتسام: بٸز 7-دەن 13 كەلٸگە دەيٸنگٸ بيدايدى بٸر دوللارعا ساتۋىمىز مٷمكٸن. ال ولار بٸر كەلٸ بيدايدى ٶڭدەلسە, ارى قاراي 2-2,5 دوللارعا ساتىلۋى ىقتيمال», - دەدٸ باقىت سۇلتانوۆ.
