Memleket basshysynyń Jarlyǵymen Azamat Rahmanqululy Berdibai Qazaqstan Respýblikasynyń Kýveit Memleketindegi Tótenshe jáne Ókiletti Elshisi qyzmetine taǵaiyndaldy, dep habarlaidy "Ult aqparat" Aqordanyń baspasóz qyzmetine silteme jasap.
Azamat Rahmanqululy Berdibai 1963 jyly 30 shildede Almaty qalasynda týǵan. 1987 jyly S.M. Kirov atyndaǵy Qazaq memlekettik ýniversitetin filolog, arab tiliniń oqytýshysy mamandyǵy boiynsha bitirdi.
Óz eńbek jolyn 1987 jyly Almaty qalasyndaǵy №45 orta mektepte, S.M. Kirov atyndaǵy Qazaq memlekettik ýniversitetinde arab tiliniń oqytýshysy retinde bastaǵan.
Diplomatiialyq qyzmetin 1992 jyly QR SIM Taiaý, Orta Shyǵys jáne Afrika elderi basqarmasynyń úshinshi hatshysy laýazymynan bastady, onda birinshi hatshyǵa deiin kóterildi.
1996 jyly Qazaqstannyń Saýd Arabiiasyndaǵy Elshiligine birinshi hatshy retinde jiberildi.
1999-2002 jyldary QR SIM Ekijaqty yntymaqtastyq jáne Aziia, Taiaý Shyǵys jáne Afrika departamentterinde túrli laýazymdarda qyzmet atqardy.
2002 jyly Direktordyń orynbasary laýazymynan Qazaqstan Respýblikasynyń Saýd Arabiiasyndaǵy Elshiligine keńesshi bolyp jiberildi, onda keńesshi-ýákil laýazymyna deiin kóterildi.
2006-2007 jyldary Qazaqstannyń Dýbai qalasyndaǵy (BAÁ) Bas konsýly boldy.
2007 jyldan 2014 jylǵa deiin Qazaqstannyń Katardaǵy Elshisi qyzmetin atqardy.
2014 jyldan 2019 jylǵa deiin Qazaqstannyń Iordaniiadaǵy Elshisi jáne Iraktaǵy, Livandaǵy jáne Palestinadaǵy mindetin qosa atqarýshy Elshisi boldy.
Qazaqstannyń Kýveittegi Elshisi laýazymyna taǵaiyndalǵanǵa deiin 2019 jylǵy maýsymnan bastap QR SIM Qamtamasyz etý jáne qujat ainalymy departamentiniń direktory boldy.
I synypty Tótenshe jáne Ókiletti Ýákil diplomatiialyq dárejesi bar. Arab jáne aǵylshyn tilderin meńgergen.
