Buryn qupiia bolyp sanalǵan jekelegen sirek kezdesetin jer metaldaryna ashyq qoljetimdilik qamtamasyz etiledi. Bul týraly Májilis depýtattarynyń resmi saýalyna orai QR Ekologiia, geologiia jáne tabiǵi resýrstar ministri Maǵzum Myrzaǵalievtiń jaýabynda aitylǵan, dep habarlaidy "Ult aqparat".
«Qazaqstannyń mineraldyq-shikizat bazasyn tolyqtyrý jáne geologiialyq zerdelenýin arttyrý maqsatynda ministrlik kelesi jumystardy júrgizýde. Geologiialyq barlaý salasyn damytý boiynsha Ulttyq joba ázirlenýde. Osy jobanyń aiasynda kendi jáne kensiz aimaqtardyń áleýetin ashýǵa múmkindik beretin jańa ǵylymi negizdelgen jumystar josparlanatyn bolady. Geologiialyq aqparatty qupiiasyzdandyrý boiynsha jumystar júrgizilip jatyr. Onyń ishinde buryn qupiia bolyp sanalǵan jekelegen sirek kezdesetin jer metaldaryna (litii, tantal, niobii) ashyq qoljetimdilik qamtamasyz etiledi», - dedi ministr.
Onyń atap ótýinshe, jer qoinaýyn memlekettik geologiialyq zertteýdi damytý jáne jańa perspektivti ýchaskelerdi tabý yqtimaldyǵyn arttyrý bóliginde 1:50 000 masshtabynda jer qoinaýyn keń aýqymdy óńirlik 3 geologiialyq zertteýdi zamanaýi zertteý ádisterimen júrgizý jónindegi normativtik-ádistemelik nusqaýlyqtar daiyndalyp jatyr. Mineraldyq-shikizat bazasyn tolyqtyrý, jer qoinaýyn geologiialyq zertteý, geologiialyq barlaýdy basqarý jónindegi biryńǵai memlekettik saiasatty iske asyrý maqsatynda Memlekettik jer qoinaýy qoryn basqarý baǵdarlamasyn ázirleýge jáne bekitýge (EM jáne IIDM kelisimi boiynsha) jáne ministrliktiń qoldanystaǵy infraqurylym men inspektorlyq quramy aiasynda Ekologiia, geologiia jáne tabiǵi resýrstar ministrligin qatty paidaly qazbalar bóliginde memlekettik baqylaýdy oryndaý boiynsha jaýapty dep aiqyndaý usynyldy.
«Osylaisha, geologiialyq barlaýǵa investitsiialar aǵynyn yntalandyrý tetikterin jetildirý jer qoinaýyn geologiialyq zertteýdiń investitsiialyq tartymdylyǵyn arttyrýǵa, mineraldyq-shikizat bazasyn molaitýdy jáne jańa ken oryndaryn ashýdy qamtamasyz etýge múmkindik beredi», - dedi Qazaqstan Respýblikasynyń Ekologiia, geologiia jáne tabiǵi resýrstar ministri Maǵzum Myrzaǵaliev.
