Qazaqstanda «Rýhani jańǵyrý» baǵdarlamasy aiasynda úsh jyl ishinde «Qazaqstannyń kieli jerleriniń geografiiasy» jobasy boiynsha kieli jerler tizimi tolyqtyryldy. Elimizdegi kieli oryndardy anyqtaýǵa qaita qalpyna keltirý jumystaryn júrgizý, olardyń kartasyn jasaýǵa baǵyttalǵan joba jaqsy nátije berip otyr. Bql týraly «Ult» portaly tarqatyp jazady.
Eń aldymen bul jobany iske asyrý kezinde Ulttyq mýzei janynan respýblikalyq «Qasietti Qazaqstan» ǵylymi zertteý ortalyǵy qurylǵanyn atap ótken jón. Sol ortalyq negizinde Qazaqstannyń kieli jerleri áli de anyqtalyp jatyr. Keiingi aqparatqa sáikes, Qazaqstannyń jalpyulttyq mańyzy bar kieli jerleriniń tizimi tolyqtyrylyp, olardyń sany 206 nysanǵa, al jergilikti mańyzy bar kieli jerleriniń sany 575 nysanǵa jetti.
Joba aiasynda «Qasietti Qazaqstan» entsiklopeditsiiasynyń qazaq jáne orys tilderinde 3-shi tomy jaryqqa shyqty. Onda Jambyl, Qaraǵandy, Qostanai, Qyzylorda oblystarynyń kieli jerleri qamtylǵan.
Almaty oblysyndaǵy «Esik», Túrkistan oblysyndaǵy «Ordabasy» jáne «Áziret Sultan» mýzei-qoryqtarynda sapar ortalyǵynyń qurylysy bastalady. Bul aimaqtar kieli jerler kóp shoǵyrlanǵan óńir bolyp sanalady.
Sondai-aq, «Uly dalanyń jeti qyry» maqalasy aiasynda «Ejelgi Otyrar qalasyn ishinara qalpyna keltirý» jobasy boiynsha aýqymdy jumystar júrgizý josparlanyp otyr. Naqty aitqanda, kóne qalashyqtyń 10 nysanyn qalpyna keltirý jumystary júrgiziledi.
Sonymen qatar Qazaqstandaǵy kieli jerler týraly derekti film túsiriledi. «Týrkestan – vchera, segodnia, zavtra» filmi rýhani astanaǵa arnalady.
Sondai-aq, qasietti jer kieli jerler tizimine engen respýblikalyq mańyzy bar 23 tarihi jáne mádeni eskertkishke ǵylymi restavratsiialaý jumystary júrgizildi. Olardyń qatarynda Qoja Ahmet Iassaýi, Airanbai keseneleri; Appaq ishan, Aqyrtas keshenderi; Eski Túrkistan, Otyrar, Saýran, Syǵanaq qalashyqtary; Syrymbettegi Ýálihanovtar úii bar.
«Bozoq» memlekettik tarihi-mádeni mýzei-qoryǵynyń infraqurylymyn damytý máseleleri boiynsha QR mádeniet jáne sport ministrligi men Nur-Sultan qalasy ákimdiginiń arasynda memorandýmyna qol qoiyldy. Onyń maqsaty – ózara túsinistik pen yntymaqtastyqty qalyptastyrý. Aita ketý kerek, «Bozoq» mýzei-qoryǵy úshin astanada Esil aýdanynan 412,6 ga kólemindegi jer ýchaskesi bólindi.
Sondai-aq, 2019 jyly «Botai qonysyndaǵy áleýmettik-ekonomikalyq jáne dúnietanymdyq konteksterdi zertteý jáne qaita qurý» ǵylymi jobasy aiasynda Soltústik Qazaqstan oblysyndaǵy Botai qonysynyń mańynan kóne Botai mádenietiniń úii salyndy.
Úsh jyl ishinde Túrkistan oblysyndaǵy «Otyrar», Almaty oblysyndaǵy «Tańbaly», mýzei-qoryqtary sapar ortalyqtarynyń qurylys jumystary aiaqtaldy.
Al tarihtan belgili Kúltóbe qalashyǵynda qazir arheologiialyq zertteý jumystary júrip jatyr. Ol jerge 15 ǵylymi qyzmetker men 40 zerthanashy jumyldyrylǵan. Arheologiialyq saiabaq qurýý jumystary 2021 jyly tolyq aiaqtalady dep kútilýde.
Jalpyulttyq kieli nysandar týraly mobildi formattaǵy 30 dana beinerolik túsirilip, qazaq, orys jáne aǵylshyn tilderinde áleýmettik jelilerde taratyldy. Rolikter «Aljir» memorialdy kesheni, Qabanbai batyr kesenesi, Qosbatyr-Qumai memorialdyq kesheni, Kenesary úńgiri, Bespaqyr, Rabiia Sultan Begim, Gaýhar ana, Esim han, Ibrahim ata, Qarashash ana, Úkasha ata, Qarabýra, Domalaq ana, Haqnazar han keseneleri, Birlik – Ordabasy keshenine arnaldy.
