Qazaqstannyń halyqaralyq rezervi 94,4 mlrd dollarǵa jetti. Bul týraly Úkimettiń keńeitilgen otyrysynda Premer-Ministr Asqar Mamin aitty, dep habarlaidy "Ult aqparat".
«Memlekettik biýdjettiń kirisi transfertterdi esepke almaǵanda 9 trln 751 mlrd teńge somasynda oryndaldy, bul josparǵa qatysty kórsetkish - 102,7 paiyz. Respýblikalyq biýdjettiń kirisi transfertterdi eseptemegende josparǵa qatysty - 100,3, al jergilikti biýdjetter 108 paiyz oryndaldy. Halyqaralyq rezerv 94,4 mlrd dollarǵa jetti, altyn-valiýta rezervi - 23,2 paiyzǵa, iaǵni 35,7 mlrd dollarǵa deiin ulǵaidy»,- dedi Asqar Mamin.
Onyń aitýynsha, ulttyq qordyń sheteldik valiýtadaǵy aktivi 58,7 mlrd dollardy qurady.
«Syrtqy saýda ainalymy 11 aidyń qorytyndysy boiynsha 77,7 mlrd dollardy qurady, onyń ishinde eksport – 43,4 jáne import – 34,4 mlrd dollar. Sonyń arqasynda syrtqy saýdanyń oń saldosy 9 mlrd. dollar deńgeiinde saqtaldy», - dedi Asqar Mamin.
