قازاقستاننىڭ حالىقارالىق رەزەرۆٸ 94,4 ملرد دوللارعا جەتتٸ. بۇل تۋرالى ٷكٸمەتتٸڭ كەڭەيتٸلگەن وتىرىسىندا پرەمەر-مينيستر اسقار مامين ايتتى, دەپ حابارلايدى "ۇلت اقپارات".
«مەملەكەتتٸك بيۋدجەتتٸڭ كٸرٸسٸ ترانسفەرتتەردٸ ەسەپكە الماعاندا 9 ترلن 751 ملرد تەڭگە سوماسىندا ورىندالدى, بۇل جوسپارعا قاتىستى كٶرسەتكٸش - 102,7 پايىز. رەسپۋبليكالىق بيۋدجەتتٸڭ كٸرٸسٸ ترانسفەرتتەردٸ ەسەپتەمەگەندە جوسپارعا قاتىستى - 100,3, ال جەرگٸلٸكتٸ بيۋدجەتتەر 108 پايىز ورىندالدى. حالىقارالىق رەزەرۆ 94,4 ملرد دوللارعا جەتتٸ, التىن-ۆاليۋتا رەزەرۆٸ - 23,2 پايىزعا, ياعني 35,7 ملرد دوللارعا دەيٸن ۇلعايدى»,- دەدٸ اسقار مامين.
ونىڭ ايتۋىنشا, ۇلتتىق قوردىڭ شەتەلدٸك ۆاليۋتاداعى اكتيۆٸ 58,7 ملرد دوللاردى قۇرادى.
«سىرتقى ساۋدا اينالىمى 11 ايدىڭ قورىتىندىسى بويىنشا 77,7 ملرد دوللاردى قۇرادى, ونىڭ ٸشٸندە ەكسپورت – 43,4 جەنە يمپورت – 34,4 ملرد دوللار. سونىڭ ارقاسىندا سىرتقى ساۋدانىڭ وڭ سالدوسى 9 ملرد. دوللار دەڭگەيٸندە ساقتالدى», - دەدٸ اسقار مامين.
