Qazaqstannyń halyqaralyq rezervi 92 mlrd dollarǵa jýyqtady. Bul týraly búgin Úkimet otyrysynda QR Ulttyq bank tóraǵasy Erbolat Dosaev aitty, dep habarlaidy "Ult aqparat".
«Altyn-valiýta rezervi osy jylǵy sáýirdiń aiaǵynda bir aida 689 mln AQSh dollaryna ulǵaiyp, 34,2 mlrd AQSh dollaryn qurady. Baǵanyń bir ýntsiia úshin 1 685 AQSh dollarynan 1769 AQSh dollaryna deiin 5 paiyzǵa qalpyna kelýi aiasynda altyn portfeliniń 1,3 mlrd AQSh dollaryna ósýi erkin konvertatsiialanatyn valiýtadaǵy aktivterdiń tómendeýin ótedi. Biylǵy mamyrda altyn baǵasy ósýin jalǵastyra otyryp, 11 mamyrǵa bir ýntsiiasyna 1 841 AQSh dollaryn qurady», - dedi ol.
Ulttyq bank tóraǵasynyń atap ótýinshe, erkin konvertatsiialanatyn valiýtadaǵy aktivter biylǵy jylǵy sáýirde 635 mln AQSh dollaryna, onyń ishinde klientterdiń Ulttyq banktegi depozitteri kóleminiń 472 mln AQSh dollaryna tómendeýi jáne 88 mln AQSh dollaryna memlekettik qaryzdy tóleýi esebinen kemidi.
«Osylaisha, jalpy halyqaralyq rezervter biylǵy jylǵy sáýirde 1,2 mlrd AQSh dollaryna artyp, 91,8 mlrd AQSh dollaryn qurady», - dedi Erbolat Dosaev.
