قازاقستاننىڭ حالىقارالىق رەزەرۆٸ 92 ملرد دوللارعا جۋىقتادى. بۇل تۋرالى بٷگٸن ٷكٸمەت وتىرىسىندا قر ۇلتتىق بانك تٶراعاسى ەربولات دوساەۆ ايتتى, دەپ حابارلايدى "ۇلت اقپارات".
«التىن-ۆاليۋتا رەزەرۆٸ وسى جىلعى سەۋٸردٸڭ اياعىندا بٸر ايدا 689 ملن اقش دوللارىنا ۇلعايىپ, 34,2 ملرد اقش دوللارىن قۇرادى. باعانىڭ بٸر ۋنتسييا ٷشٸن 1 685 اقش دوللارىنان 1769 اقش دوللارىنا دەيٸن 5 پايىزعا قالپىنا كەلۋٸ اياسىندا التىن پورتفەلٸنٸڭ 1,3 ملرد اقش دوللارىنا ٶسۋٸ ەركٸن كونۆەرتاتسييالاناتىن ۆاليۋتاداعى اكتيۆتەردٸڭ تٶمەندەۋٸن ٶتەدٸ. بيىلعى مامىردا التىن باعاسى ٶسۋٸن جالعاستىرا وتىرىپ, 11 مامىرعا بٸر ۋنتسيياسىنا 1 841 اقش دوللارىن قۇرادى», - دەدٸ ول.
ۇلتتىق بانك تٶراعاسىنىڭ اتاپ ٶتۋٸنشە, ەركٸن كونۆەرتاتسييالاناتىن ۆاليۋتاداعى اكتيۆتەر بيىلعى جىلعى سەۋٸردە 635 ملن اقش دوللارىنا, ونىڭ ٸشٸندە كليەنتتەردٸڭ ۇلتتىق بانكتەگٸ دەپوزيتتەرٸ كٶلەمٸنٸڭ 472 ملن اقش دوللارىنا تٶمەندەۋٸ جەنە 88 ملن اقش دوللارىنا مەملەكەتتٸك قارىزدى تٶلەۋٸ ەسەبٸنەن كەمٸدٸ.
«وسىلايشا, جالپى حالىقارالىق رەزەرۆتەر بيىلعى جىلعى سەۋٸردە 1,2 ملرد اقش دوللارىنا ارتىپ, 91,8 ملرد اقش دوللارىن قۇرادى», - دەدٸ ەربولات دوساەۆ.
