Qazaqstannyń halyqaralyq arenadaǵy bedeliniń artý Nursultan Nazarbaevtyń esimimen tyǵyz bailanysty. Bul týraly Shanhai yntymaqtastyq uiymynyń bas hatshysy Vladimir Norov aitty, dep habarlaidy QazAqparat.
«Nursultan Nazarbaevtyń atymen Qazaqstannyń qalyptasý jáne damý jyldary, eldegi mańyzdy konstitýtsiialyq jáne saiasi reformalary, áleýmettik-ekonomikalyq jetistikter ósimi men tabystar tyǵyz bailanysty. Jańasha ádister men onyń der ýaqytynda qabyldanǵan sheshimderi Qazaqstandy saiasi sabaqtastyǵy bar ári syrtqy saiasi basymdyqtary aiqyn tabysty, turaqty jáne bedeldi memleketter qataryna shyǵarýǵa múmkindik berdi. Qazaqstannyń Tuńǵysh Prezidentiniń atymen eldiń halyqaralyq arenadaǵy bedeliniń arta túsýi de tyǵyz bailanysty. Ol - halyqaralyq qoǵamdastyqtyń nazaryn ózine aýdarǵan iri aýqymdaǵy jańashyl ideialardyń bastamashysy. Olardyń qatarynda Aziiadaǵy ózara is-qimyl jáne senim sharalar keńesin, Eýraziialyq ekonomikalyq odaqtyń qurylýyn, iadrolyq qarýsyzdaný problemlaryn, álemdik jáne dástúrli dinder basshylarynyń arasyndaǵy dialogty aitýǵa bolady», - dedi ol «Nursultan Nazarbaev. Jaýapty basshylyq: Sabaqtastyq pen evoliýtsiia» taqyrybyndaǵy halyqaralyq konferentsiia barysynda.
Norovtyń atap ótýinshe, sońǵy jyldary QR Tuńǵysh Prezidentiniń belsendi qyzmetiniń arqasynda Ortalyq Aziia elderi arasyndaǵy yntymaqtastyq jandanyp, mańyzdy ózgerister baiqala bastady. Óńirdegi saiasi ahýal da túbegeili ózgerip, óńirlik jaqyndasý, senim men ózara túsinistiktiń qalpyna kelýi oryn alyp otyr.
«Nursultan Ábishuly ShYU-nyń damýyna, onyń negizin nyǵaityp, múshe memleketter arasyndaǵy dástúrli dostyq jáne tatý kórshilik qarym-qatynasty eselei túsýge de zor úles qosty. QR Tuńǵysh Prezidentiniń ShYU alańyndaǵy bastamalary halyqaralyq terrorizmge, ekstremizmge qarsy is-qimyldy kúsheitý, esirtki taratpaý, múshe elderdiń saýda-ekonomikalyq jáne kólik-logistikalyq áleýetin ashý baǵytyndaǵy naqty usynystarmen erekshelenetinin airyqsha atap ótkim keledi», - dedi Vladimir Norov.
.jpeg)