Úndistanǵa COVID-19 indetimen kúresý úshin Qazaqstannyń gýmanitarlyq kómegi jetkizildi, dep habarlaidy "Ult aqparat" QR SIM baspasóz qyzmetine silteme jasap.
QR Prezidenti Qasym-Jomart Toqaevtyń tapsyrmasyna sáikes jáne eki memleket arasyndaǵy strategiialyq seriktestik qaǵidattaryn basshylyqqa ala otyryp Qazaqstan Úkimeti Úndistanǵa COVID-19 pandemiiasy jaǵdaiyndaǵy kúrdeli epidemiologiialyq jaǵdaiǵa bailanysty gýmanitarlyq kómek kórsetti.
Tiisti júkteri bar eki qazaqstandyq ushaqtyń birinshisi 14 mamyrda tańerteń Niý-Delidegi Indira Gandi atyndaǵy halyqaralyq áýejaiǵa qondy. Ekinshisi birneshe saǵattan keiin keledi.
«Gýmanitarlyq kómekke meditsinalyq densaýlyq saqtaý kompaniialarynyń meditsinalyq maskalary, respirator, qorǵanysh kostiýmderi jáne portativti jeldetkishteri kiredi. Áýejaida ony tabystaý rásimine Qazaqstannyń Úndistandaǵy Elshisi Nurlan Jalǵasbaev, úndi tarapynan - Úndistan Syrtqy ister ministrligi Eýraziialyq yntymaqtastyq departamentiniń direktory Bandarý Vilsonbabý qatysty», delingen habarlamada.
Esterińizge sala keteiik, 4 mamyrda Qazaqstan Prezidenti Q.Toqaev Úndistan Premer-Ministri Narendra Modige jedelhat joldady.
Onda Memleket basshysy «Úndistanda COVID-19 indetiniń qatty órshýine bailanysty qalyptasqan qiyn-qystaý kezeńde úndi eliniń qaiǵy-qasiretine ortaq ekenin» bildirip, 7 mamyrda Qazaqstan Úkimetine úndi tarapyna tiisti kómek kórsetýdi tapsyrdy.
2020 jyly Úndistan Qazaqstanǵa pandemiiamen kúresýge kómektesý úshin gidroksohlorohin preparatyn jibergen edi.
Qazir Úndistanda COVID-19 indetiniń qatty órshýine bailanysty asa kúrdeli jaǵdai qalyptasqan.
