Qazaqstannyń Eýropa memleketterindegi quny 5 mlrd dollar bolatyn aktsiialary buǵattaldy, dep habarlaidy Baq.kz aqparat agenttigi «Sodrýjestvo» basylymyna silteme jasap.
Moldaviia biznesmeni Kris Ýinanstyń aitýynsha, quny 22 mlrd dollar bolatyn Ulttyq bank aktivterinen bólek, Eýropa elderindegi kompaniialarǵa tiesili Qazaqstannyń úlesi buǵattaldy. Osylaisha gollandiialyq KMG Kashagan BV kásipkerligindegi «Samuryq-Qazyna» memlekettik qoryna tiesili aktsiialar buǵattaldy. Atalǵan aktsiialar arqyly Qazaqstan quny 5,2 mlrd dollar bolatyn Qashaǵannyń (Shell, Eni, Exxon jáne Total kiredi) shyqqan jerin zertteitin iri halyqaralyq konsortsiýmǵa qatysatyn.
Munymen qatar, Shvetsiianyń 33 memlekettik kompaniiasyndaǵy (Volvo, Skanska, Electrolux, Nordea jáne taǵy basqalar kiredi) Qazaqstan aktsiialary buǵattaldy. Atalǵan memlekettegi Qazaqstan aktsiialarynyń jalpy quny 100 mln dollardy quraidy.
Ýinanstyń aitýynsha, osy aktsiialarǵa qatysty Qazaqstan barlyq ekonomikalyq quqyǵynan aiyrylyp otyr. Ulttyq bank tóraǵasy Daniiar Aqyshev óz kezeginde Bank of New York Mellon-nyń bul aktsiialardy zańsyz buǵattaǵanyn aityp, Qazaqstannyń bul sheshimge qarsylyq bildiretinin jetkizdi.
