قازاقستاننىڭ ەۋروپا مەملەكەتتەرٸندەگٸ قۇنى 5 ملرد دوللار بولاتىن اكتسييالارى بۇعاتتالدى, دەپ حابارلايدى Baq.kz اقپارات اگەنتتٸگٸ «سودرۋجەستۆو» باسىلىمىنا سٸلتەمە جاساپ.
مولداۆييا بيزنەسمەنٸ كريس ۋينانستىڭ ايتۋىنشا, قۇنى 22 ملرد دوللار بولاتىن ۇلتتىق بانك اكتيۆتەرٸنەن بٶلەك, ەۋروپا ەلدەرٸندەگٸ كومپانييالارعا تيەسٸلٸ قازاقستاننىڭ ٷلەسٸ بۇعاتتالدى. وسىلايشا گوللاندييالىق KMG Kashagan BV كەسٸپكەرلٸگٸندەگٸ «سامۇرىق-قازىنا» مەملەكەتتٸك قورىنا تيەسٸلٸ اكتسييالار بۇعاتتالدى. اتالعان اكتسييالار ارقىلى قازاقستان قۇنى 5,2 ملرد دوللار بولاتىن قاشاعاننىڭ (Shell, Eni, Exxon جەنە Total كٸرەدٸ) شىققان جەرٸن زەرتتەيتٸن ٸرٸ حالىقارالىق كونسورتسيۋمعا قاتىساتىن.
مۇنىمەن قاتار, شۆەتسييانىڭ 33 مەملەكەتتٸك كومپانيياسىنداعى (Volvo, Skanska, Electrolux, Nordea جەنە تاعى باسقالار كٸرەدٸ) قازاقستان اكتسييالارى بۇعاتتالدى. اتالعان مەملەكەتتەگٸ قازاقستان اكتسييالارىنىڭ جالپى قۇنى 100 ملن دوللاردى قۇرايدى.
ۋينانستىڭ ايتۋىنشا, وسى اكتسييالارعا قاتىستى قازاقستان بارلىق ەكونوميكالىق قۇقىعىنان ايىرىلىپ وتىر. ۇلتتىق بانك تٶراعاسى دانييار اقىشەۆ ٶز كەزەگٸندە Bank of New York Mellon-نىڭ بۇل اكتسييالاردى زاڭسىز بۇعاتتاعانىن ايتىپ, قازاقستاننىڭ بۇل شەشٸمگە قارسىلىق بٸلدٸرەتٸنٸن جەتكٸزدٸ.
