QR Energetika vitse-ministri Anatolii Shkarýpa eki aiǵa qamaýǵa alyndy, dep jazady "Ult aqparat".
«Astana qalasynyń mamandandyrylǵan aýdanaralyq tergeý soty kúdikti Shkarýpa Anatolii Valerevichti 2 aiǵa, iaǵni 2019 jyldyń 16 qańtaryna deiin qamaýǵa alý túrinde sanktsiialyq shara qoldaný týraly tergeý júrgizip jatqan organnyń ótinimin qanaǵattandyrdy», - dep habarlady Astana qalalyq sotynyń baspasóz qyzmetinen.
Búgin ministrliktiń basshysy Qanat Bozymbaev vitse-ministr Anatolii Shkarýpanyń jumystan ketýge ótinish jazǵanyn aitty.
Shkarýpa jaqynda ǵana qarjy jymqyrdy dep aiyptalǵan bolatyn. Úkimet kýlýarynda jýrnalister ministrden orynbasarynyń qyzmetinen ketken-ketpegenin surady.
"Ol jerde kelisý uzaq júredi ǵoi – premer-ministrdiń keńsesi, prezident ákimshiligi. Biraq ol ótinish jazdy, al men tiisti qoldaýhatty ótken aptada premer-ministr men prezident ákimshiligine jiberdim", — dedi Bozymbaev.
"Shkarýpanyń ustalǵanyn bilesiz be?" degen suraqqa "Iá" dep jaýap berdi.
Aita ketsek, Anatolii Shkarýpa osy jyldyń qazanynda energetika vitse-ministri bolyp taǵaiyndalǵan edi. Kóp ýaqyt ótpei bas prokýratýra vitse-ministrdi aqsha jymqyrdy dep aiyptady.
Belgili bolǵandai, Shkarýpa 2015 jyly Saran qalasynyń ákimi bolǵan kezde 215 million teńge jymqyrǵan.
