قر ەنەرگەتيكا ۆيتسە-مينيسترٸ اناتوليي شكارۋپا ەكٸ ايعا قاماۋعا الىندى, دەپ جازادى "ۇلت اقپارات".
«استانا قالاسىنىڭ مامانداندىرىلعان اۋدانارالىق تەرگەۋ سوتى كٷدٸكتٸ شكارۋپا اناتوليي ۆالەرەۆيچتٸ 2 ايعا, ياعني 2019 جىلدىڭ 16 قاڭتارىنا دەيٸن قاماۋعا الۋ تٷرٸندە سانكتسييالىق شارا قولدانۋ تۋرالى تەرگەۋ جٷرگٸزٸپ جاتقان ورگاننىڭ ٶتٸنٸمٸن قاناعاتتاندىردى», - دەپ حابارلادى استانا قالالىق سوتىنىڭ باسپاسٶز قىزمەتٸنەن.
بٷگٸن مينيسترلٸكتٸڭ باسشىسى قانات بوزىمباەۆ ۆيتسە-مينيستر اناتوليي شكارۋپانىڭ جۇمىستان كەتۋگە ٶتٸنٸش جازعانىن ايتتى.
شكارۋپا جاقىندا عانا قارجى جىمقىردى دەپ ايىپتالعان بولاتىن. ٷكٸمەت كۋلۋارىندا جۋرناليستەر مينيستردەن ورىنباسارىنىڭ قىزمەتٸنەن كەتكەن-كەتپەگەنٸن سۇرادى.
"ول جەردە كەلٸسۋ ۇزاق جٷرەدٸ عوي – پرەمەر-مينيستردٸڭ كەڭسەسٸ, پرەزيدەنت ەكٸمشٸلٸگٸ. بٸراق ول ٶتٸنٸش جازدى, ال مەن تيٸستٸ قولداۋحاتتى ٶتكەن اپتادا پرەمەر-مينيستر مەن پرەزيدەنت ەكٸمشٸلٸگٸنە جٸبەردٸم", — دەدٸ بوزىمباەۆ.
"شكارۋپانىڭ ۇستالعانىن بٸلەسٸز بە?" دەگەن سۇراققا "يە" دەپ جاۋاپ بەردٸ.
ايتا كەتسەك, اناتوليي شكارۋپا وسى جىلدىڭ قازانىندا ەنەرگەتيكا ۆيتسە-مينيسترٸ بولىپ تاعايىندالعان ەدٸ. كٶپ ۋاقىت ٶتپەي باس پروكۋراتۋرا ۆيتسە-مينيستردٸ اقشا جىمقىردى دەپ ايىپتادى.
بەلگٸلٸ بولعانداي, شكارۋپا 2015 جىلى ساران قالاسىنىڭ ەكٸمٸ بولعان كەزدە 215 ميلليون تەڭگە جىمقىرعان.
