Asa qadirmendi Elbasy Nursultan Ábishuly!
Búkil álemdi dúrbeleńge salǵan koronovirýs pandemiiasynyń kesiri Sizge de jetkenin estip kóńilimiz qulazydy.
Men jáne bizdiń ujym Sizdiń densaýlyǵyńyz úshin alańdaýda. Qiyn-qystaý kezeńde árdaiym jeńimpaz bolyp shyǵatyn qaisar, tabandy minezińiz osy jaǵdaidy da tezirek eńseretinine senimimiz mol.
Ózińizdiń basshylyǵyńyzben ótken birqatar jiyndar men kezdesýlerge qatystym. Elimizdiń búkil agrarshylary Sizdiń osy salanyń kúrdeli máselelerin túsinip, onyń damýyna árdaiym qoldaý kórsetkenińizge rizashylyǵyn bildiredi.
Sizdiń qoldaýyńyzdyń arqasynda búgingi kúnde biz shyǵaratyn ónimder alys jáne jaqyn shetelge eksporttalady. Siz Qostanai oblysy aýyl sharýashylyǵy taýarlaryn óndirýshilerdiń joǵary kásibi biliktiligin únemi atap ótesiz. Bergen baǵańyz ben senimińiz bizdi jańa jetistikterdi baǵyndyrýǵa jeteleidi.
Ózińizge alańdap otyrǵan halqyńyzdyń tilegimen tez arada saýyǵyp, elimizdi jańa jeńisterge bastai berýińizge tilektestik bildiremin.
Tursynov Almat Janábiluly
Qazaqstannyń Eńbek Eri,
«Qarasý Astyq» JShS direktorlar keńesiniń tóraǵasy
.jpeg)