Qazaqstannyń eki oblysynda aýa raiyna bailanysty eskertý jariialandy, dep habarlaidy "Ult aqparat" «Qazgidromet» RMK-nyń málimetterine silteme jasap.
Kásiporyn taratqan málimetterge qaraǵanda, 31 shilde kúni Soltústik Qazaqstan oblysynyń kei jerlerinde naizaǵai oinaidy. Túnde jáne tańerteń kei jerlerge tuman túsedi. Ońtústik-batystan, batystan jel soǵyp, kei jerlerde jyldamdyǵy sekýndyna 15-20 metrge jetedi.
Petropavl qalasynda 31 shilde kúni túnde naizaǵai oinap, tuman túsedi. Ońtústik-batystan, batystan jel soǵyp, kúndiz ekpini 15-20 m/s bolady. Aýa raiy boljamynyń yqtimaldylyǵy 90-95 %.
Batys-Qazaqstan oblysynyń batysynda naizaǵai oinap, burshaq jaýady. Soltústik-batystan soǵatyn jeldiń kúshi naizaǵai kezinde 15-20 m/s-qa jetedi. Ońtústikte 37 gradýsqa deiin aptap ystyq bolady. Óńirdiń basym bóliginde órt qaýipi saqtalady. Aýa raiy boljamynyń ytimaldylyǵy 85-90%.
