Qazaqstannyń 2 iri qalasy men 6 oblys aimaǵy jaryqsyz qaldy, dep habarlaidy "Ult aqparat".
QR Energetika ministrliginiń málimetinshe, 20 qarashada saǵat 16:47-de VL-500 kV L-5300, L-5320 OQMAES-Aǵadyr jáne L-5394 Aqtoǵai-Semei elektr jelileri ajyrap qalǵan. Sonymen qatar júktemeni shekteýdiń arnaiy avtomatikasynyń iske qosylýy saldarynan VL-220 kV BTQ (Basty tómendetý qosalqy stansasy) - Qyzylorda L-2019 jelisi ajyratylyp, elimizdiń ońtústik aimaǵy Qazaqtannyń Biryńǵai elektr energetikay júiesinen tys qalǵan. Sonyń saldarynan Jambyl, Almaty, ShQO, Túrkistan, Qaraǵandy, Qyzylorda oblystarynyń jáne Almaty men Shymkent qalasynyń turǵyndary jaryqsyz qaldy.
Saǵat 17:02-de L-5300 jelisi, al 17:11-de L-5320 jelisi iske qosylyp, ońtústik aimaqqa elektr energiiasyn shekteý alynyp tastaldy. Saǵat 17:18-de L-5394 elektr jelisi qalypty jumys istei bastady.
«Qazirgi aqparatqa sáikes, 500 kV elektr taratý jelisiniń ajyraýy jáne júktemeni shekteýdiń arnaiy avtomatikasynyń iske qosylýy Ortalyq Aziianyń birikken energiia júiesi tarapynan qýattyń shamadan tys bolýy saldarynan oryn alǵan», - dep atap ótken ministrlikten.
