Qazaqstannyń taǵy eki áýe kompaniiasyna Eýropaǵa ushýǵa ruqsat berildi, dep habarlaidy "Ult aqparat".
Biyl 1 maýsymda «PrimeAviation» AQ men 12 maýsymda «KazAirJet» AQ áýe kompaniialary EASA-dan (Ushý qaýipsizdigi jónindegi Eýropalyq Aviatsiialyq Agenttik) barlyq qajetti protsedýralardan sátti ótkenderi týraly jáne eýropalyq talaptarǵa sáikes keletindigi jóninde jazbasha ruqsat aldy.
Eske sala keteiik, 2016 jyldyń 8 jeltoqsanynda Eýropalyq komissiia barlyq qazaqstandyq áýe kompaniialardyń Eýropaǵa ushýlaryna shekteý qoiyp tastaǵan bolatyn.
Búgingi kúni «qara tizimde» qazaqstandyq áýe kompaniialar joq.
Eýropalyq Odaqqa úshinshi elderden reisterdi júzege asyrý maqsatynda 2014 jyldyń sáýir aiynda Eýropalyq komissiia úshinshi elder ekslýatanttarynyń avtorizatsiiadan mindetti túrde ótý talabyn engizgen bolatyn.
Atalmysh avtorizatsiialaý protsedýrasyn Ushý qaýipsizdigi jónindegi Eýropalyq Aviatsiialyq Agenttigi júzege asyrady (EASA). Eksplýatantty avtorizatsiialaý protsedýrasyna sáikes, Ushý qaýipsizdigi jónindegi eýropalyq aviatsiialyq agenttigine (EASA) reisti oryndardyń aldynda erterek tapsyrys berip qoiý kerek.
«SCAT» áýe kompaniiasy alǵashqy avtorizatsiia tapsyrysyn 2015 jyldyń 25 mamyrynda bergen.
Ótken jyldyń sońynda qazaqstandyq áýe kompaniialar úshin Eýropaǵa ushýǵa qoiylǵan shekteý resmi túrde alynyp tastalǵannan keiin 2017 jyldyń 11 sáýirinde EASA pen «SCAT» AQ ókilderiniń tehnikalyq-keńestik kezdesýi boldy.
Saraptama nátijesi boiynsha EASA «SCAT» áýe kompaniiasyna birqatar eskertýler jasady. Eksplýatant eskertýge sáikes tiisti jumystar atqaryp, kemshilikterdi joiatyn bolady.
Osylaisha, búgingi kúni otandyq «AirAstana» AQ, «PrimeAviation» AQ jáne «KAZ AIR JET» AQ áýe kompaniialary EASA avtorizatsiiasynan sátti ótip shyqty.
