Qazaqstannyń Eýraziialyq ekonomikalyq odaq elderimen ózara saýdasy osy jyldyń 3 aiynda 13,2 paiyzǵa ulǵaidy, dep habarlaidy "Ult aqparat".
«Qazaqstan Respýblikasynyń EAEO elderimen qańtar-naýryzdaǵy ózara saýdasy 5191,5 mln AQSh dollaryn qurap, 2020 jylǵy qańtar-naýryzben salystyrǵanda nominaldy mánde 13,2 paiyzǵa ulǵaidy. Onyń ishinde eksport – 1532,3 mln AQSh dollary (16,8 paiyzǵa kóp), import – 3659,2 mln AQSh dollary (11,8 paiyzǵa kóp)» delingen QR Strategiialyq josparlaý jáne reformalar agenttiginiń ulttyq statistika biýrosy taratqan aqparatta.
Vedomstvo málimetinshe, Qazaqstan Respýblikasynyń EAEO elderimen syrtqy saýda ainalymy jalpy kóleminde Resei Federatsiiasyna – 92,9, Qyrǵyzstan Respýblikasyna – 3,6, Belarýs Respýblikasyna – 3,4, Armeniia Respýblikasyna 0,1 paiyz tiesili.
