Respýblikanyń birneshe óńirinde aýa raiynyń buzylýyna bailanysty eskertý jariialandy, dep habarlaidy "Ult aqparat".
«Qazgidromet» aqparatynsha, 12 naýryzda Qyzylorda oblysynda kóktaiǵaq, boran kútiledi. Soltústik-shyǵystan soǵatyn jel túnde kei jerlerde 15-20 m/s, kúndiz 15-20, keide 25 m/s-qa deiin jetedi.
Qaraǵandy oblysynda jaiaý burqasyn bolady. Jel ońtústik-batystan soǵady, túndegi jel ekpini 15-20 m/s-qa deiin jetedi.
Mańǵystaý oblysynda kei jerlerde boran, kóktaiǵaq kútiledi, jel 17-22 m/s deiin kúsheiedi.
Qostanai oblysynda kei jerlerde jaiaý burqasyn men tuman bolady. Batystan, soltústik-batystan soqqan jeldiń jyldamdyǵy kei jerlerde 15-20 m/s jetedi.
Aqmola oblysynda kei jerlerde jaiaý burqasyn, tuman túsýi yqtimal. 12 naýryz kúni túnde batystan, soltústik-batystan turǵan jel 15-20-ǵa jetip, ekpini 23-28 m/s deiin barady.
12-14 naýryz aralyǵynda Shyǵys Qazaqstan oblysynda kei jerlerde boran turyp, tuman túsedi. Ońtústik-batystan soqqan jel soltústik-batysqa aýysyp, keide ekpini 23-28 m/s jetedi. Al aýa temperatýrasynyń 2-7 gradýstan 20-25-ke deiin tómendeýi kútiledi, kei jerlerde 30-ǵa deiin sýytady. Al óńirdiń ońtústiginde 15-ke deiin. 13 naýryz kúni oblystyń basym bóliginde qar jaýýy múmkin.
12-13 naýryzda Soltústik Qazaqstan oblysynda aýa temperatýrasy kúrt tómendeidi – 13-15-ten 25-30-ǵa deiin, keide 22 gradýs aiaz.
13-14 naýryzda Túrkistan oblysynda kei jerlerde qatty jaýyn-shashyn (jańbyr, qar), tuman, kóktaiǵaq kútiledi. 12 naýryzda kúndiz kóp jerlerde ońtústik-batys jaqtan turǵan jel soltústik, soltústik-shyǵysqa aýysady, bul kúnderi jel 15-20, ekpini 23-28 m/s deiin barady. 12 naýryzda kúndiz taýly aimaqtarda jel ekpini 30 m/s jetip, keide odan da joǵary bolmaq. 13 naýryzda kúndiz aýa temperatýrasy kúrt tómendeidi, 16-20-dan keide 6-11, 3-8 gradýs jyly, kei jerlerde 0-5 gradýs sýyqtyqty kórsetedi.
