رەسپۋبليكانىڭ بٸرنەشە ٶڭٸرٸندە اۋا رايىنىڭ بۇزىلۋىنا بايلانىستى ەسكەرتۋ جارييالاندى, دەپ حابارلايدى "ۇلت اقپارات".
«قازگيدرومەت» اقپاراتىنشا, 12 ناۋرىزدا قىزىلوردا وبلىسىندا كٶكتايعاق, بوران كٷتٸلەدٸ. سولتٷستٸك-شىعىستان سوعاتىن جەل تٷندە كەي جەرلەردە 15-20 م/س, كٷندٸز 15-20, كەيدە 25 م/س-قا دەيٸن جەتەدٸ.
قاراعاندى وبلىسىندا جاياۋ بۇرقاسىن بولادى. جەل وڭتٷستٸك-باتىستان سوعادى, تٷندەگٸ جەل ەكپٸنٸ 15-20 م/س-قا دەيٸن جەتەدٸ.
ماڭعىستاۋ وبلىسىندا كەي جەرلەردە بوران, كٶكتايعاق كٷتٸلەدٸ, جەل 17-22 م/س دەيٸن كٷشەيەدٸ.
قوستاناي وبلىسىندا كەي جەرلەردە جاياۋ بۇرقاسىن مەن تۇمان بولادى. باتىستان, سولتٷستٸك-باتىستان سوققان جەلدٸڭ جىلدامدىعى كەي جەرلەردە 15-20 م/س جەتەدٸ.
اقمولا وبلىسىندا كەي جەرلەردە جاياۋ بۇرقاسىن, تۇمان تٷسۋٸ ىقتيمال. 12 ناۋرىز كٷنٸ تٷندە باتىستان, سولتٷستٸك-باتىستان تۇرعان جەل 15-20-عا جەتٸپ, ەكپٸنٸ 23-28 م/س دەيٸن بارادى.
12-14 ناۋرىز ارالىعىندا شىعىس قازاقستان وبلىسىندا كەي جەرلەردە بوران تۇرىپ, تۇمان تٷسەدٸ. وڭتٷستٸك-باتىستان سوققان جەل سولتٷستٸك-باتىسقا اۋىسىپ, كەيدە ەكپٸنٸ 23-28 م/س جەتەدٸ. ال اۋا تەمپەراتۋراسىنىڭ 2-7 گرادۋستان 20-25-كە دەيٸن تٶمەندەۋٸ كٷتٸلەدٸ, كەي جەرلەردە 30-عا دەيٸن سۋىتادى. ال ٶڭٸردٸڭ وڭتٷستٸگٸندە 15-كە دەيٸن. 13 ناۋرىز كٷنٸ وبلىستىڭ باسىم بٶلٸگٸندە قار جاۋۋى مٷمكٸن.
12-13 ناۋرىزدا سولتٷستٸك قازاقستان وبلىسىندا اۋا تەمپەراتۋراسى كٷرت تٶمەندەيدٸ – 13-15-تەن 25-30-عا دەيٸن, كەيدە 22 گرادۋس اياز.
13-14 ناۋرىزدا تٷركٸستان وبلىسىندا كەي جەرلەردە قاتتى جاۋىن-شاشىن (جاڭبىر, قار), تۇمان, كٶكتايعاق كٷتٸلەدٸ. 12 ناۋرىزدا كٷندٸز كٶپ جەرلەردە وڭتٷستٸك-باتىس جاقتان تۇرعان جەل سولتٷستٸك, سولتٷستٸك-شىعىسقا اۋىسادى, بۇل كٷندەرٸ جەل 15-20, ەكپٸنٸ 23-28 م/س دەيٸن بارادى. 12 ناۋرىزدا كٷندٸز تاۋلى ايماقتاردا جەل ەكپٸنٸ 30 م/س جەتٸپ, كەيدە ودان دا جوعارى بولماق. 13 ناۋرىزدا كٷندٸز اۋا تەمپەراتۋراسى كٷرت تٶمەندەيدٸ, 16-20-دان كەيدە 6-11, 3-8 گرادۋس جىلى, كەي جەرلەردە 0-5 گرادۋس سۋىقتىقتى كٶرسەتەدٸ.
