«Qazgidromet» RMK aýa raiynyń qolaisyzdyǵyna bailanysty Aqmola, Qostanai, Qyzylorda jáne Soltústik Qazaqstan oblystarynda eskertý jariialady, dep habarlaidy "Ult aqparat".
13 jeltoqsanda Aqmola oblysy men Kókshetaý qalasynyń kei jerlerine tuman túsip, kóktaiǵaq jáne burqasyn bolady. Ońtústik-batystan soǵatyn jeldiń baǵyty soltústik-batysqa aýysyp, kei jerlerde onyń kúshi 15-20 m/s-ke jetýi yqtimal.
Osy kúni Qostanai oblysy men Qostanai qalasynda túnde qar jaýady. Kei jerlerde burqasyn, tuman, kóktaiǵaq kútiledi. Soltústik-batystan jel soǵyp, onyń ekpini kei jerlerde 15-20 m/s-ke jetedi.
13 jeltoqsanda Qyzylorda oblysynyń basym bóliginde jaýyn-shashyn (jańbyr, qar) túsip, kóktaiǵaq bolady. Tańerteń jáne kúndiz ońtústik-batystan soqqan jeldiń baǵyty soltústik-batysqa aýysyp, kei jerlerde jyldamdyǵy15-20 m/s-ke jetýi múmkin.
Sondai-aq, osy kúni Soltústik Qazaqstan oblysynyń kei jerlerinde túnde burqasyn, kóktaiǵaq bolýy yqtimal. Kei jerlerge tuman túsedi. Soltústik-batystan soqqan jeldiń kúshi 15-20 m/s-ke jetedi.
Petropavl qalasynda túnde burqasyn bolady.
