«OLIMP» klinikalyq-diagnostikalyq zerthanasy koronavirýsty anyqtaityn aqyly polimerazdy tizbekti reaktsiia testileýin elimizdiń birneshe qalasynda bastady, - dep habarlaidy "Ult aqparat".
Zerthananyń málimetinshe, PTR-testileýden Atyraý, Almaty, Nur-Sultan, Kókshetaý jáne Qaraǵandy qalalarynda ótýge bolady.
«PTR-testileý kómegimen adam aǵzasynda virýstyń ribonýkleindi qyshqyly bar ekendigin anyqtaidy. Polimerazdy tizbekti reaktsiia ádisiniń saraptamasy virýstyń ózi anyqtalady jáne qazirgi ýaqytta adamnyń aýyrǵanyn ne aýyrmaǵandyǵyn kórsetedi. Osy sebepti PTR-saraptama koronavirýs diagnozyn zerthanalyq rastaý úshin qajet. Aldaǵy ýaqytta COVID-19-ǵa arnalǵan PTR-testiler Qazaqstannyń ózge de qalalarynda qoljetimdi bolady», - dep atap ótedi zerthanadan.
Sonymen qatar, adamnyń test tapsyrý úshin ne isteý kerektigi de jan-jaqty túsindirilgen.
«Muryn/aýyz qýysynan jaǵyndy ash qarynǵa nemese tamaq ishkennen keiin 3 saǵattan soń alynady. Tekserýge deiin 3 saǵattiń ishinde tisti jýýǵa, aýyz qýysyn shaiýǵa, sýsyn ishýge, saǵyz shainaýǵa tyiym salynady. Tekserýge jazylý úshin covid.kdlolymp.kz saitynda saýalnama toltyrý qajet» delingen taratylǵan aqparatta.
Tekserý quny - 19 220 teńge, al biomaterial alý quny - 540 teńge. Zerthana PTR ádisimen saraptama alý úshin barlyq úi-jailary men qural-jabdyqtaryn tyńǵylyqty daiyndap, qajetti qorǵanys quraldaryn satyp alǵan. Sonymen qatar laboranttar arnaiy oqýdan ótken.
