Batys Qazaqstan oblysynyń turǵyny Jelide Oral, Petropavl, Pavlodar qalalaryn Reseige berýi kerek dep pikir jazǵan. Politsiia jazba avtoryna qatysty qylmystyq is qozǵady, - dep habarlaidy Tengrinews.kz tilshisi BQO Politsiia departamentiniń baspasóz qyzmetine silteme jasap.
Vedomstvo habaryna qaraǵanda, áleýmettik jeli qoldanýshysy Maksim Iakovenko arandatý mánindegi aqparaty bar post jariialap, ol qoǵamdyq rezonans týdyrǵan. Óz postynda ol Reseige Qazaqstannyń birneshe qalasyn berý kerek dep jazǵan.
Politseiler mundai arandatýǵa ermeýge shaqyrdy.
"Osy málimdememen ol ultaralyq alaýyzdyq týyndaýyna sebep boldy. Bul derek boiynsha Politsiia departamenti QR Qylmystyq kodeksiniń 174-baby ("Áleýmettik, ulttyq, rýlyq, násildik, tektik-toptyq nemese dini alaýyzdyqty qozdyrý") boiynsha qylmystyq is qozǵady. Politsiia departamenti áleýmettik jelilerdiń barlyq paidalanýshysyna osyndai arandatýshylyq jazbalarǵa boi aldyrmaýǵa jáne jaǵdaidyń turaqsyzdanýyna yqpal etpeýge shaqyrady. Sondai-aq, mundai arandatýshylyq málimdemeler qylmystyq jazasy bar áreket ekenin eske salady. Barlyq azamat bir-birine qurmetpen qaraýy kerek, mundai jazbalardyń maqsaty - bizdiń qoǵamda dúrbeleń salyp, qaqtyǵystarǵa sep bolý", - delingen vedomstvo habarlamasynda.
QR Qylmystyq kodeksiniń bul baby boiynsha 12 jyldan 20 jylǵa deiingi merzimge bas bostandyǵynan aiyrý jazasy qarastyrylǵan.
