QR Tótenshe jaǵdailar ministri Iýrii Ilin aldaǵy sý tasqyny kezeńine daiyndyq jumystaryn baiandady, dep habarlaidy QazAqparat.
«Qazgidromet» RMK aldyn ala bergen boljamy boiynsha Aqmola oblysyndaǵy Shaǵalaly ózeniniń basseininde ylǵal qory normadan 54%-ǵa, Soltústik Qazaqstandaǵy Esil ózeniniń basseininde 50%-ǵa jáne Aqtóbe oblysyndaǵy Elek ózeniniń basseininde 39%-ǵa artyq», - dedi ministr Ortalyq kommýnikatsiialar qyzmetinde ótken brifingte.
TJM derekteri boiynsha, Aqmola jáne Soltústik Qazaqstan oblystaryndaǵy Esil ózenderiniń, Qostanai oblysyndaǵy Toǵyzaq ózeniniń, Qaraǵandy oblysyndaǵy Nura ózeniniń basseinderinde topyraqtyń kúzgi ylǵaldaný kórsetkishteri normadan asyp tur. Topyraqtyń qatý tereńdigi Batys Qazaqstan, Soltústik Qazaqstan, Qaraǵandy, Aqmola, Qostanai, Aqtóbe oblystarynda ótken jylǵy kórsetkishterden orta eseppen 9-71 sm artyq. Qar jinalý protsesi áli de jalǵasýda.
«Qazirgi ýaqytta sý resýrstary komitetiniń bólimsheleri sý qoimalarynyń tolýyna monitoring júrgizip otyr. Sý qoimalary shtattyq rejimde jumys istep tur. Qar erigen kezde birtindep tranzittik jumys rejimine kóshemiz, bul kóktemgi sý tasqyny kezeńinde keletin sýdy jinaqtaýǵa jáne kedergisiz ótkizýge múmkindik beredi», - dep atap ótti ministr.
