قر تٶتەنشە جاعدايلار مينيسترٸ يۋريي يلين الداعى سۋ تاسقىنى كەزەڭٸنە دايىندىق جۇمىستارىن باياندادى, دەپ حابارلايدى قازاقپارات.
«قازگيدرومەت» رمك الدىن الا بەرگەن بولجامى بويىنشا اقمولا وبلىسىنداعى شاعالالى ٶزەنٸنٸڭ باسسەينٸندە ىلعال قورى نورمادان 54%-عا, سولتٷستٸك قازاقستانداعى ەسٸل ٶزەنٸنٸڭ باسسەينٸندە 50%-عا جەنە اقتٶبە وبلىسىنداعى ەلەك ٶزەنٸنٸڭ باسسەينٸندە 39%-عا ارتىق», - دەدٸ مينيستر ورتالىق كوممۋنيكاتسييالار قىزمەتٸندە ٶتكەن بريفينگتە.
تجم دەرەكتەرٸ بويىنشا, اقمولا جەنە سولتٷستٸك قازاقستان وبلىستارىنداعى ەسٸل ٶزەندەرٸنٸڭ, قوستاناي وبلىسىنداعى توعىزاق ٶزەنٸنٸڭ, قاراعاندى وبلىسىنداعى نۇرا ٶزەنٸنٸڭ باسسەيندەرٸندە توپىراقتىڭ كٷزگٸ ىلعالدانۋ كٶرسەتكٸشتەرٸ نورمادان اسىپ تۇر. توپىراقتىڭ قاتۋ تەرەڭدٸگٸ باتىس قازاقستان, سولتٷستٸك قازاقستان, قاراعاندى, اقمولا, قوستاناي, اقتٶبە وبلىستارىندا ٶتكەن جىلعى كٶرسەتكٸشتەردەن ورتا ەسەپپەن 9-71 سم ارتىق. قار جينالۋ پروتسەسٸ ەلٸ دە جالعاسۋدا.
«قازٸرگٸ ۋاقىتتا سۋ رەسۋرستارى كوميتەتٸنٸڭ بٶلٸمشەلەرٸ سۋ قويمالارىنىڭ تولۋىنا مونيتورينگ جٷرگٸزٸپ وتىر. سۋ قويمالارى شتاتتىق رەجيمدە جۇمىس ٸستەپ تۇر. قار ەرٸگەن كەزدە بٸرتٸندەپ ترانزيتتٸك جۇمىس رەجيمٸنە كٶشەمٸز, بۇل كٶكتەمگٸ سۋ تاسقىنى كەزەڭٸندە كەلەتٸن سۋدى جيناقتاۋعا جەنە كەدەرگٸسٸز ٶتكٸزۋگە مٷمكٸندٸك بەرەدٸ», - دەپ اتاپ ٶتتٸ مينيستر.
