Qazaqstannyń birneshe oblysynda aýa raiyna bailanysty eskertý jariialandy, dep habarlaidy "Ult aqparat".
Qazgidromettiń habarlaýynsha, Mańǵystaý oblysynda 1-3 shilde aralyǵynda kún 43-46 gradýsqa deiin, Batys Qazaqstan oblysynda 40-43 gradýsqa deiin ysidy.
1-3 shildede Atyraý oblysynyń basym bóliginde, al 4 shildede kei aýmaqtarynda 40-43 gradýsqa deiingi ystyq kútiledi.
Aqtóbe oblysynda 1-4 shildede 40-42 gradýsqa deiin ystyq bolady dep boljanýda. Daýyl turý yqtimaldyǵy - 90-95%.
Aqmola oblysynda 30 maýsym men 2 shilde aralyǵynda soltústik-batystan ońtústikke oiysqan jeldiń jyldamdyǵy sekýndyna 15-20 metr ainalasynda bolady. Sondai-aq, naizaǵai oinap, burshaq jaýýy yqtimal. Túnde jáne kúndiz tuman túsedi.
Astanada 30 maýsym - 2 shilde aralyǵynda naizaǵai jarqyldap, kúndiz burshaq jaýýy múmkin. Soltústik-batystan ońtústikke oiysqan jeldiń ekpini sekýndyna 15-20 metrge jetedi. Daýyl turý yqtimaldyǵy - 80-85%.
Qostanai oblysynda 30 maýsym kúni kei jerlerde naizaǵai oinap, soltústikten jyldamdyǵy sekýndyna 15-20 metrge jetetin jel soǵady. Kei jerlerde túnde jáne kúndiz tuman túsedi. Daýyl turý yqtimaldyǵy - 90-95%.
Qaraǵandy oblysynda 30 maýsym kúni kei jerlerde aýa raiynyń temperatýrasy 40 gradýsqa deiin jetip, kún qatty ysidy. Kenet jel kúsheiip, burshaq jaýýy múmkin. Daýyl turý yqtimaldyǵy - 95-100%.
