قازاقستاننىڭ بٸرقاتار وبلىستارىندا اۋا رايىنا بايلانىستى ەسكەرتۋ جارييالاندى

قازاقستاننىڭ بٸرنەشە وبلىسىندا اۋا رايىنا بايلانىستى ەسكەرتۋ جارييالاندى, دەپ حابارلايدى "ۇلت اقپارات". 

قازگيدرومەتتٸڭ حابارلاۋىنشا, ماڭعىستاۋ وبلىسىندا 1-3 شٸلدە ارالىعىندا كٷن 43-46 گرادۋسقا دەيٸن, باتىس قازاقستان وبلىسىندا 40-43 گرادۋسقا دەيٸن ىسيدى.

1-3 شٸلدەدە اتىراۋ وبلىسىنىڭ باسىم بٶلٸگٸندە, ال 4 شٸلدەدە كەي اۋماقتارىندا 40-43 گرادۋسقا دەيٸنگٸ ىستىق كٷتٸلەدٸ.

اقتٶبە وبلىسىندا 1-4 شٸلدەدە 40-42 گرادۋسقا دەيٸن ىستىق بولادى دەپ بولجانۋدا. داۋىل تۇرۋ ىقتيمالدىعى - 90-95%.

اقمولا وبلىسىندا 30 ماۋسىم مەن 2 شٸلدە ارالىعىندا سولتٷستٸك-باتىستان وڭتٷستٸككە ويىسقان جەلدٸڭ جىلدامدىعى سەكۋندىنا 15-20 مەتر اينالاسىندا بولادى. سونداي-اق, نايزاعاي ويناپ, بۇرشاق جاۋۋى ىقتيمال. تٷندە جەنە كٷندٸز تۇمان تٷسەدٸ.

استانادا 30 ماۋسىم - 2 شٸلدە ارالىعىندا نايزاعاي جارقىلداپ, كٷندٸز بۇرشاق جاۋۋى مٷمكٸن. سولتٷستٸك-باتىستان وڭتٷستٸككە ويىسقان جەلدٸڭ ەكپٸنٸ سەكۋندىنا 15-20 مەترگە جەتەدٸ. داۋىل تۇرۋ ىقتيمالدىعى - 80-85%.

قوستاناي وبلىسىندا 30 ماۋسىم كٷنٸ كەي جەرلەردە نايزاعاي ويناپ, سولتٷستٸكتەن جىلدامدىعى سەكۋندىنا 15-20 مەترگە جەتەتٸن جەل سوعادى. كەي جەرلەردە تٷندە جەنە كٷندٸز تۇمان تٷسەدٸ. داۋىل تۇرۋ ىقتيمالدىعى - 90-95%.

قاراعاندى وبلىسىندا 30 ماۋسىم كٷنٸ كەي جەرلەردە اۋا رايىنىڭ تەمپەراتۋراسى 40 گرادۋسقا دەيٸن جەتٸپ, كٷن قاتتى ىسيدى. كەنەت جەل كٷشەيٸپ, بۇرشاق جاۋۋى مٷمكٸن. داۋىل تۇرۋ ىقتيمالدىعى - 95-100%.